我終於開始寫我嘅葡萄牙之旅喇....
今年 (2009/10) 嘅旅行目的地, 係比較冷門少少嘅葡萄牙 (Portugal)! 可能因為葡萄牙嘅地理關係, 我周圍唔係太多朋友曾經去過葡萄牙旅遊。就算由我決定以呢個國家作為旅遊目的地開始, 我不斷在網上找尋有關葡萄牙的資料, 都只得好少。中文旅遊書極度缺乏, 網上旅遊討論區亦好少人介紹、推介葡萄牙呢個國家。開始找尋資料時, 我都有些失落, 不過好彩有關葡萄牙嘅英文旅遊書都頗多, 加上得到一位葡萄牙朋友嘅熱心幫助, 解決左我唔少問題, 在此當然要先非常咁多謝我朋友 Hugo (佢都係Blog友)!! 
根據不少旅遊書所講, 葡萄牙係一個非常天主教的國家, 聖誕節嘅節日氣氛濃厚, 本人已經多年沒有在外地過聖誕節, 加上自己係一個唔虔誠嘅天主教徒 (
), 所以認為在葡萄牙過白色聖誕應該會很有意思 (附註: 其實只有極少嘅葡萄牙國土上係會冬天落雪嘅)。
先簡單介紹一下葡萄牙先。
Source: http://www.wikipedia.org
葡萄牙位于Iberian Penisula, 處於歐洲大陸最西南方, 面臨大西洋, 國家官方正式名稱為 "Portuguese Republic", 首都係里斯本 (Lisbon)。葡萄牙係歐盟成員國之一, 全國大約97%人民都係天主教徒。除左本土之外, 葡萄牙有主要大島兩個, 分別為 Azores 同埋Madeira。對於Madeira呢個島, 雖然認識嘅人唔多, 但如果一講到我地非常熟悉嘅球星C朗拿度, 大概冇人不懂。C朗就係生於Madeira島的。
15-16世紀, 係葡萄牙國力最強、最光輝嘅時期, 因為佢地在海上稱霸, 相繼發現了好望角, 又佔領了非洲、亞洲以及南美洲不少國家。
以綠色及紅色為主色嘅葡萄牙國旗, 顏色極之鮮豔!
葡萄牙 (Portugal)國名其實源於呢個國家嘅第二大城市波圖 (Porto)。 在拉丁語裡, Porto有溫暖嘅海灣嘅意思。而波圖另一出名之地方當然係舉世聞名嘅砵酒 (Port wine)。
好啦, 介紹到此為止, 我唔係葡萄牙人, 講到咁多已經好佩服自己。哈哈哈, 查實我未去葡萄牙之前睇左好幾本關於呢個國家嘅歷史書, 因為我覺得睇多D關於一個國家嘅書, 對旅遊呢個國家會有幫助, 到我欣賞當地建築、歷史文物時會更知道發生緊甚麼事。
依家我覺得自己好似鐘意葡萄牙, 仲多過我本來嘅至愛意大利呢!! 
穿梭葡萄牙之旅 2009/10 - 待續
你真係好乖, 做足功課先去旅行, 咁一定會印象更深, 體會更深!! 咁耐冇見, 你近來幾好嘛??
ReplyDelete[版主回覆01/26/2010 11:42:00]好耐冇見iris, 祝您新一年身體健康, 生活愉快, 工作順利呀! ! 我ok啦, 做番之前嘅行業呀, 哈哈, 遲下有機會我地又來一個大團聚吖??
說實話, 做左功課真係玩得更開心, 因為我唔多慣唔知頭唔知路就去一個地方玩, 好似好冇安全感的。雖則今次間唔中都玩即興, 哈哈哈!!
我去過萄國一日, 我去完返黎乜都唔知.
ReplyDelete[版主回覆02/06/2010 23:23:00]唔好意思, 唔知講緊你添, 哈哈哈...咁你有冇興趣諗住再去葡國見識下咁添?
係呀..我係1半葡國人 住係澳門~~braga我都有去過...好靚架
ReplyDelete澳門有好多地方都似葡國架
e到生活好過香港...方便好多...地方細...小d人
你黎澳門有時間可以找我架!
支持你繼續宣傳portugal!!
[版主回覆04/14/2010 20:37:00]好呀, 我下次去澳門一定通知你, 希望大家可以見下面先得!! 我新年先去過一次, 通常我一年最少過去一次, 因為我都識左另一位澳門葡國人, 所以我以後可以有好好嘅原因去多D喇, 哈哈哈!!
澳門我好鐘意嘅其中一個原因係少人同埋好歐洲感覺, 唔似香港乜野有歷史價值嘅野都拆得七七八八.....
哈哈, 我會繼續大力支持葡萄牙的, 等我去多幾次在呢度講多D先得!!
你知唔知澳門有條街叫Rua da Braga (？唔記得係da, de, del...), 我上次都影左張相呀!!! 因為我好鐘意Braga!!! 嘻嘻嘻!!
有冇facebook呀? 有的話add你facebook~因為我facebook add唔到
ReplyDelete[版主回覆04/16/2010 22:01:00]有呀!! 我之前都唔知整左乜setting, 朋友add唔到我, 依家我諗應該ok! 我過去你blog度留言, 你add我吖, 到時可以facebook傾計添