祖記2009年9月號月刊

今期月刊又好遲先收到, 真係離譜!!  唔通放假放到唔記得寄月刊比訂閱嘅球迷??

不過一個意想不到嘅係, 今期除左本每月一份嘅雜誌外, 仲多左樣野喎!!! 多左一本好靚好特別嘅書, 本書關於乜?  請容許我先報道今期嘅內容先。



今期封面係隊長廸比亞路, 大家可能一早知道了, 哈哈哈!!

實在, 今期冇乜野睇.....

今期又冇送中間大頁嘅.....好彩都仲有連頁嘅所謂posters啦...

今期最重要當然係有關隊長嘅訪問啦!!

(E adesso voglio vincere = And now I wanna win)

仲有一個係關於新加盟嘅烏拉圭球員Caceres嘅訪問。

A tu per tu版今期係一位球迷同基謝拉嘅合照同訪問。

至於球迷相片集....一眾球迷展示佢地著左祖記球衣嘅照片。

羅馬好風光 ~ 之三

各位...你地冇睇錯野, 我依家的而且確講番我2007年嘅羅馬之旅!  哈哈哈, 我覺得做人要有頭有尾, 講講下羅馬冇左尾唔係太好, 而且, 當對自己旅行一個好回憶都好。

當時我去羅馬兩星期, 諗住有咁多時間, 應該一定可參觀晒所有大小景點, 點知原來..羅馬真係實在好大, 而景點亦太多, 再加上我每日早上都要上堂, 只得個下午得閒, 所以就算有兩星期, 到走喇, 都仲有好多景點冇去到。

去到羅馬第一個下午, 我首先就係去: Museo Nazionale Romano (國立羅馬博物館)參觀。呢次去羅馬真係好彩, 撞正羅馬文化週 (Roman Cultural Week), 所有景點免費入場, 所以首先已經省回我...6 euros! 開心到我飛起。.

Museo Nazionale Romano就係羅馬總火車站 (Stazione Centrale Roma Termini)旁嘅巴士總站對面, 所以好易搵。由於雕像及其他作品實在太多, 所以要用頗多時間欣賞。以下係部份館內大作。

圖左: Statue of Augustus (羅馬的第一位皇帝)嘅雕像

圖右: Wounded Niobid (受傷的尼歐碧德), 雕像創作於440BC, 根據旅遊書所講, 此雕像本來用於一座希臘寺廟內, 但後來落入凱撒 (Julius Caesar)手中。

 

圖左: Discus Thrower (擲鐵餅的人), 係公元2世紀嘅大理石雕像。此像係仿照450BC希臘Myron嘅作品。

圖右: 唔記得佢係乜東東銅像... sorry....

 

博物館內有好多勁靚嘅mosaics (馬賽克), 如果你都喜歡馬賽克, 相信你都會對呢個地方好有好感, 會睇到唔捨得走呢...

 

穿梭羅馬2007之旅 ~ 待續

祖記2009年8月號月刊

今個月 (8月)嘅月刊, 因為意大利人放暑假大過天嘅關系, 我都係前幾日先收到。我又跟埋佢地放大假 , 所以攪到今日先出, 希望等緊睇月刊內容嘅朋友唔好介意。



今期封面好似一早預言: Diego, Melo & Amauri呢個強勁組合!!!  剛過去嘅意甲第二週, 就係靠Diego嘅梅開二度 + Melo嘅入球, 作客贏左羅馬3:1 喇!! 

經過6、7月冇乜野睇嘅悶蛋時間, 今期8月號多野睇好多呀!!

隊長又再續約一年, 好事呢!!  不過相信Diego嘅加盟, 將會直接令隊長嘅出場時間大副減少, 都難免的.... 我更加關心嘅係, 我偶像 Palla幾時出番場?  乜病毒攪咁耐都唔見人??

佢兩位完全令我眼前一亮, 因為佢地晒到好古銅呀, 我勁羨慕呢!!! 

青年軍來個大合照先!!!

重建中嘅廸爾艾比球場.....

今期嘅封面故事 ~ 祖記都學埋AC, 來個森巴兵團!!

先介紹 Melo...

再來Amauri....佢遲D會變成意軍一員 (如果Lippi 收佢入伍的話)....

總結番剛過去的 Pinzolo練兵之旅....

若果大家在2008年有留意祖記來港嘅消息, 又有跟出跟入的話, 應該對呢位職員一D都唔陌生.....

今期 A tu per tu版請來Diego同一位小朋友見面!! Diego看來非常友善咁喎...

又係最後一版...即係球迷寄來雜誌嘅精美相片!!  幾時大家會有興致再寄相睇下佢地登唔登呢??  hahaa...