終於收到祖記12月號雜誌!

千呼萬喚，我終於收到12月個期的祖記月刋。真係離晒譜，本雜誌其實在意大利那邊11月尾已經出左，但竟然攪成個月我先收到。佢地效率真係超慢，我同佢地deal, 已經培養左好大耐性，因為你催促佢地係唔會有用；你亦唔好想投訴佢地喎，因為係唔會有結果。終於收到，好開心，因為冇寄失到 (呢亭野在意大利都好鬼common), 第一時間感謝主 (真的)。

快快脆打開本magazine睇，今期有歷高達利的專訪, 中間大頁就係依亞昆達 (yeeeeee), 雖然查字典係我睇呢本magazine時大部份時間要做嘅事情，不過從中學倒好多新字或grammar。雜誌用嘅字好多時好鬼深，反而祖記網頁的意文, 都可以估到佢講乜東東 (睇唔明就可以看英文version比較番)。 睇祖記新聞就係我學意文的最有效途徑。本magazine內客好多，等間就要認真看歷高達利個專訪先！

幾時有MM的訪問呀？ 10月中復出以來，佢都只係做個1次正選 (意大利盃對Empoli首回合, 但場波祖記輸2:1)。 希望歇冬後佢快d回復狀態，做番正選，入多d波啦。熱切期待4、5月係都靈再見到佢。

這個聖誕多聚會!

今個聖誕，見左唔同朋友，其中一個重大任務就係幫一位朋友派喜帖。朋友將在08年頭結婚，但人不在港，所以托本人攪掂佢。冇問題，當係約friends聖誕見面的一個好藉口，哈哈。

今日又飲茶食飯，可惜我一月唔去得飲 (原因極無聊，但我又身不由己), 如果唔係到時可以係大聚會。

一年將接近尾聲，最新update係...有朋友升左職 (恭喜恭喜!), 有朋友可能就快升職 (恭喜定先), 唯有我...十年如一日!  我求財咋，但求有人工加 (越多越好啦), 有bonus分 (亦係多多唔拘), 唔好炒我 (但我可以炒佢), 我就仍舊做住忠心傭員的。

祝大家新年進步，最緊要身體健康，有好身子先可以發大財，名成利就嘛!!!

 

暫時沒有意甲比賽的日子...

沒有意甲比賽的日子，生活異常悶，雖然都重有英超，可以支持下老樸，但近呢兩場波，佢地極不爭氣，輸晒！  始終都係唔似睇祖記咁投入，咁精彩。

沒有意甲比賽的日子，最好就係多d溫書。我d意文雖然沒有生疏，但又唔見得好有進步喎，希望1月中新semester前，自已可以聽多d listening, practise一下。 重有就係普通話，我的程度仍舊太普通！