Madeira Island真係花花草草特別多, 如果唔係點會有一個咁好聽嘅美譽呢....
"Pérola do Atlântico" ("Pearl of the Atlantic") ("大西洋的明珠") 
下面嘅花全部都係在 Madeira Island可以見到嘅....嘩, 好多種類好靚好色彩繽紛呀!
(不過我仲未見過晒喎)
(Source: http://en.wikipedia.org/wiki/File:Madeira-flowers_hg.jpg)
在Madeira, 除左之前所講嘅活動, 我仲用左一日時間, 參加左一個 local tour, 去 Levada Walk Tour。呢個一日遊我覺得好特別..... 首先, 乜野叫 Levada Walk Tour 呢?
由於 Madeira Island 北部比較多雨, 而南部就較乾燥少雨; 但島上嘅農業就主要集中在南部, 為左要有足夠嘅水份可以由北部送到南部以作灌溉之用, 當地政府就建設好多嘅引水道 (稱為 levadas or aqueducts), 將水由北流向南部。
但係因為 Madeira Island 山多, 所以在建設 levadas嘅過程裡經過唔少難度。
時至今日, levadas唔單止有灌溉作用, 仲用作水力發電之用添! 全島有超過 Levada Walks 2,170 km嘅 levadas, 當中唔少仲適合作行山。Levada Walk Tours 就此應運而生喇。
下面相片中, 左面嘅引水道就係 levada了 (那條唔係坑渠呀!! 哈哈)
島上唔少當地旅行團都有 Levada Walk Tours, 價錢唔貴, 有多條路線選擇, 多數都每日有團。路線由 Easy 至 difficut 程度嘅都有, 視乎你嘅興趣同埋實際體力。每條路線都各有特點, 今次我參加嘅呢個 Levada Walk, 旅行團派出一位已經領有專業帶領 Levada Tours嘅領隊帶領, 司機由酒店接晒所有團員上車之後, 領隊就在車上大致介紹當日嘅行山會係點啦, 會見到乜啦等等, 好仔細好負責任的。一讚呀!! 
我今日參加嘅呢個 Levada Walk Tour 叫做 "Peaceful Panorama Levada Walk Tour", 亦可以叫做 "Levada do Caniçal"。行山程度係: Easy! 需要走大約 11km嘅路, 需時大約 4hrs。
成個團大約有14人, 得我一個係華人, 其餘嘅大部份好似係德國人、荷蘭人。(如我之前所說, 來 Madeira玩嘅遊客, 好多都係德國人、英國人, 法國人, 當然有好多葡萄牙人啦)。
遠看有另一團行山團亦步亦趨
!
右手邊第一位女士就係我地嘅領隊了。沿途領隊久不久會停下來, 介紹一D Madeira 獨有嘅花草、植物, 生態環境等, 成個過程充滿教育意義。
有時行到一D地方, 路會收窄左, 不過呢條由於係 Easy route, 所以唔危險亦冇甚麼難度, 行得都幾輕鬆的。
有引水道到, 當然係因為有農作物需要水份。據領隊所講, 每塊地都有 "業主"的, 雖然有部分農地已經冇人耕種 (因為好多人離開左農村, 到市區居住同埋工作), 但另一方面, 都有當地村民維持 "祖業", 仍然繼續每日務農的。
除左耕田, 有村民就選擇養禽畜。
農村生活好悠閑寫意呢......
中途要穿過小山洞, 又幾有趣喎!!
嘩, 好靚呀!!! 大自然美景 + 清新空氣, 確實令人心擴神怡, 煩惱盡消。
This is my dream country house, hahaha!!
今次行山旅程中, 接觸到好多唔同種類、唔同品種嘅花草樹木, 以下照片只係其中一部分。
Avocado tree (牛油果樹)
Madeira bananas (Madeira 盛產香蕉)
遺憾時間太趕, 如果唔係一定會再花至少一日參加另一些行山團。
下次啦, 下次再來 Madeira Island 時, 會再行山, 欣賞鄉間美景, 吸收多D靈氣先得!
穿梭葡萄牙 / 意大利之旅 2011 - 待續!! 
!!
。 