上篇文章談 -- 「祖雲達斯朝聖」, 本應繼續落去, 但因為有朋友和blog友分別計劃會去都靈遊玩, 那我不如先談談都靈的住宿, 介紹一下幾間我今次逗留時的旅館, 希望對各位有些少幫助。
今次意大利之旅, 來來回回都靈總共三次之多! 為了試驗一下不同酒店的水準 (其實更大原因是不想只住一間, 因為萬一到達才發現酒店很差的話, 往後就沒有辦法而被迫要重複再住同一間的了)。旅程前, 我們先在網上比較不同酒店位置、價錢、環境等, 最後作出以下的決定!
(一) 從香港一到步都靈, 我們就入住: Hotel Urbani。這間酒店離 Stazione Porta Nuova火車站不遠, 拖著行李步行大約10-15分鐘。酒店服務和職員態度都很好, 英語沒有問題, 他們也有市中心地圖可取。但要注意, 這間酒店雖有wifi, 但要另外付錢, 好像是 4歐羅/天。
酒店有電梯, 不用自己拖上樓 (這個非常重要, 因為意大利有不少旅館/民宿是在一座building裡的某一層而又沒有電梯上去的!!)
酒店餐廳的早餐, 選擇都算OK, 當然不能期望他們的早餐像亞洲酒店的有那麼多選擇!!
(二) Principi di Piemonte -- 這間是都靈市第一間五星級酒店, 第一次在意大利住五星級酒店, 試試服務如何....
可以告訴大家, 普通而已! 酒店位置一流, 而房間真的很大, 洗手間內分別有浴缸和站著洗澡兩個位置! 不過酒店職員服務只是一般, 而想用他們的wifi更要另外收費, 每天8歐羅, 簡直搶錢呀!
不過當然, 這間酒店的早餐選擇較多, 而且, 連果醬的選擇都有成10款!! 但我們都覺得, Hotel Urbani供應的早餐較好味道。
(三) Roma e Rocca Cavour Hotel -- 酒店地理位置絕對perfect! 在 Stazione Porta Nuova 對面馬路, 就算拖著行李搭火車到達都不會太辛苦。我們在這間酒店先後住了兩次, 亦因此試過兩種座向不同的房間。
酒店後方就是市中心, 超級方便。酒店有電梯設備, 用wifi也是免費的。
這間是我頭幾晚住的單人房, 房間是呈長方形的, 有露台, 望出去見到一個大公園和 Porta Nuova火車站, 觀景開揚。
第二次回到此間酒店去再入住時, 被安排了去一個面向內天井的房間。 晚上尚算寧靜, 但第二天朝早卻被走廊中一大班到訪的美國年青住客給吵醒, 他們非常討厭!!
都靈的旅館, 素質頗好, 不過價錢不算很便宜。如果單人住宿, 房間價錢更普遍要 50歐羅一晚; 如果有2-3個朋友一起入住, 就會較實惠, 平均每人大概35-40歐羅一晚。
穿梭意大利之旅2013 - 待續!
Thanks!!!!!
ReplyDelete我訂左間叫Hotel Valentino Du Parc :)
睇個樣同評價ok
希望唔會中伏
[Jason回覆08/28/2013 18:11:57]哈,唔緊要la
咁我求其book間算 :)
[版主回覆08/28/2013 17:45:54]好野! 寫埋 Juventus Football Club安全得多, 哈!!
羅馬...我對上一次去已經2008年, 所以沒有什麼印象了, 當時沒有將資料寫到blog....唉。
[Jason回覆08/26/2013 23:40:08]哈,反而係羅馬d酒店仲未book
呢個有冇好介紹
p.s. 我今日去左寄份會員證表格la,我寄掛號,寫attn: juventus football club
希望冇錯 hahahaha
[版主回覆08/26/2013 22:11:45]原來你咁快手，好野。
都靈酒店水準幾好所以你應該唔會中伏。:)
都係最後間好喎 , 我都會揀面向入園既, 夜晚寧靜好重要.
ReplyDelete對於果班吵生哂既美國佬, 你唔出去叫佢地SHUT UP !有D人係要鬧先識安份既.
[版主回覆08/28/2013 21:37:27]死火, 我好蠢...唔明你講乜呀?? 點解我電郵冇留言口信的??
[毛豆回覆08/28/2013 19:17:17]我同位再次留言係去返我電郵度既，呢d咪係yahoo21世紀驚人發明囉！
[版主回覆08/28/2013 17:48:54]最後面那間的確好呀!! 但呢間酒店部份房間個樣好舊, 好似入左鬼屋咁, 哈哈!
毛豆, 想請問下你, 如果你在呢個回應再回應時, 何解我個blog冇通知我的? 你知唔知是否要做一些setting先得架? Thanks.
嗚嗚嗚~~~~好唔開心呀阿TA~~~點解會咁樣架!!!!!!!點解YAHOO BLOG會CLOSE架!!!!!!!哎呀!!!!好慘呀~!!!!! 佢係唔係真係9月2日之後有得比人下載返晒架!! 等我仲諗住寫返晒澳洲既野~~點知搞成咁~~~~
ReplyDelete[力高 --- 蛋糕回覆08/31/2013 17:59:51]啊, 係啊,阿TA~~~我都唔記得同你講我返左來無耐喇~HEHE~~不過返到來之後就好多野整理, 所以未有時間可以約你一聚~HEHE~~但我相信好快會見到你架喇~HEEH~等我~~~再慢慢同你細談哩半年係澳洲既點滴呀~HEHE~
[力高 --- 蛋糕回覆08/31/2013 17:57:14]阿TA~~~我岩岩先寫左一篇關於墨爾本既日記架咋, 寫得好辛苦架, 落晒心機寫, 我睇來真係要好似你咁開一個BLOGSPOT先得喇, 但都唔知夠唔夠時間搬過去, 我仲有另一個YAHOO日記添架, 果個日記專FOR男朋友睇~~我哩次真係大獲呀!!!!嗚嗚嗚嗚~~~~
[版主回覆08/31/2013 17:32:01]力高....唔知點解, 自從yahoo blog幾年前改版改到一塌胡塗之後, 我就新開了 blogspot, 將所有旅行和其他較重要的posts放晒過去, 因為我好驚yahoo blog會唔見晒我嘅野, 到時我驚我會打人呀!! 嗚嗚嗚嗚嗚.....你會唔會去blogspot開一個account呀? 咁我地可以又有地方作文字交流, 嘻嘻嘻. 我好想睇你嘅澳洲經歷呀!!! 妳快D寫呀!! hehehehe.
BTW~~~幾間酒店都好骨子呀!!!!!!!HEHE~
ReplyDelete[版主回覆08/31/2013 17:27:36]除左第二間好貴之外, 其餘兩間價錢服務都幾ok! hehe.
sorry ar,我重有一個問題，就係我點先知買個啲飛係主場定作客
ReplyDeletethanks a lot!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
[版主回覆09/03/2013 23:20:55]正呀! 希望你做得切個會員証， 咁買球票就應該冇問題！
[Jason回覆09/01/2013 19:59:00]我睇祖記主場，買中間位
[版主回覆09/01/2013 19:21:33]你會睇作客但買主場座位飛? haha... 如果係一定要萬事小心!
[Jason回覆09/01/2013 02:50:05]haha,我諗住坐中間位
希望唔會俾人打
[版主回覆08/31/2013 22:57:53]oh I see... sorry誤會了....哈哈.
如果你已經成為祖記會員, 在listicket.it登入後, 佢一定有你資料, 當你那時候買祖記主場飛, 佢自然會幫你列出所有主場坐位的飛比起選擇。而如果你係買祖記作客的飛, 如無意外 (因為我冇試過買), 佢亦只會列作客球迷區的飛給你買的。而且, 如果你不是祖記球迷, 據我所知 (但不肯定), 你在listicket.it是買不到作客飛 (可能驚有不知名的人入場攪事)。
你如果有時間, 提議先上祖記官網 (juventus.com), 印祖記球場的座位圖 (sitting plan) 出來研究清楚, 因為座位區全部用意大利文寫 (e.g. Nord Centrale), 看清楚每區域的位置, 意大利名稱; 咁當你去listicket.it買飛時, 先識得如何選票, 因為每個區域的票價都不一樣, listicket.it不會有球場的sitting plan給你睇。
係呀, 買錯區真的很大劑..... 我的祖記球迷朋友, 去睇祖記作客時, 因為預先已知買的是主場球迷位, 所以沒有穿祖記波衫, 祖記入波一定唔可以歡呼, 唔係死緊!! 但我個人未試過去睇作客, 如果有呢個機會, 我就算買到作客區飛, 入場前都一定唔敢穿球衣帶banners, 我驚未入到場已經被人打!!! hahhaa.
[Jason回覆08/31/2013 22:33:55]我指坐位果d
我怕坐左去ac 果區
比人打死
[版主回覆08/31/2013 22:16:18]唔駛客氣.... 佢地通常都會咁寫: 例如, Juventus vs Lazio, 寫在前面的會是主場的。而如果你看到: Roma vs Juventus, 即是話祖記是作客, 羅馬是主場。