我諗我已經有一萬個世紀未有在呢個blog update了, 哈哈哈
!!! 其實唔係懶, 而係寫親blog要好有時間, 加上近來都係用facebook比較多, 大家都知, 寫野在facebook好簡單, 求其講兩句野都得, 但在blog就要整齊有內容先得架嘛....
在工作上終於可以過左最忙嘅時刻, 有番一D休息了。雖然收入會因為暑假嘅關系減少了一些, 但另一方面, 自己在心態上輕鬆番好多, 因為我覺得我同D學生一樣咁緊張。佢地嘅測驗、評估、考試, 就好似我都係一齊有份考咁, 而且, 我根本上比佢地其他好多人更加緊張囉!!!
我未來幾個月可以在blog上出現番喇, 實在太好! 很掛念各位blog友, 查實我久唔久都會上一上來, 只不過沒有逐個去你地嘅blog睇野。唔知係咪yahoo blog做得太衰, 定係大家都為工作非常忙碌呢, 發覺好多blog友依家都少晒寫blog, 我諗雖然大家寫少左, 其實個心都想起大家呢班朋友!!
我要快D寫埋我嘅葡萄牙之旅先得, 雖然未必有人有興趣睇, 哈哈哈, 但我都想自己完成埋個記述番個旅程。
依家我會日日在此蒲頭架!! 有D野唔方便在facebook講, 可以在此講餐飽, 
歡迎回歸荒廢樂園！
ReplyDelete呢到日日要除草(yahoo無謂回應)，又要驗證碼，十分趕客。
[版主回覆06/08/2010 20:28:00]多謝你嘅熱烈歡迎, 哈哈哈!! 係啦, 除左無聊回應, 仲有驗碼, 簡直煩上加煩, 不過我決定每日都努力除草!!!
你終於返來啦~~ Welcome！
ReplyDelete近來yahoo個blog真係好唔掂，搞到d朋友都唔想係到寫野... 我每日都要為清理一大堆垃圾留言而煩惱！
期待你既葡萄牙之旅... 快d寫... 可以比我回味下嘛！至於我既北歐之旅仍然未動筆... 哈哈...
[版主回覆06/08/2010 20:34:00]係呀, 終於回歸正位喇!! 其實之前一直迷左玩facebook, 不過近排因為一D野, 覺得唔好再玩得咁勁, 我唔想比一D人知我咁多野, 同埋覺得都係blog比較講野詳細D, 真心D, 又有私穩得多...起碼就算想留private mesg都可以嘛....
我諗你係唯一一位有興趣睇我個葡萄牙之旅嘅blogger !! 多謝, 希望到時可以齊齊回味番葡萄牙嘅點點滴滴呀。
我呢幾日一定會開始番寫, 同埋世界杯就快開始, 又可以有更多野寫, 正!!!
近來好多圾垃回應，可能搞到好多人冇寫掛！其實FB好多野都唔講得，因為一講就有好多無謂人都睇到，所以我通常都係o係FB打好多無聊野。哩度就唔同喇，唔係人人睇得到，可以暢所欲言。但真係好開心，你可以返黎了，好野。
ReplyDelete[版主回覆06/08/2010 20:45:00]D垃圾回應真係好垃圾, 我有朋友話係Yahoo特登發出架喎, 唔知係咪真呢....冇錯, 越來越發覺好多野唔應該在facebook講, 有好多無謂人睇晒我嘅野, 我近兩日決定delete某些所謂friends, 因為add佢已經好無聊, 唔明冇野同佢講, 只係9世前嘅同學都走來add我! 唔add又好似好衰, 但add佢根本冇意思, 又唔會同佢講野喎!! 我想add嘅係真正會大家有野講嘅朋友, 唔駛話乜都會答, 但起碼大家有一些共同興趣啦。
係呀, 在blog講野, 想秘密D嘅咪 limit篇文比朋友先睇得, 如果想留D比較私人嘅說話, 又可以留private mesg, 好好多!! 講乜, 只要自己想講嘅, 都可以講來抒發一下....
係 law... 好多人因為 d 無聊回應唔用 yahoo blog ga...
ReplyDelete[版主回覆06/09/2010 13:00:00]我放棄左一輪, 不過最終都覺得在blog講野比較開心D, 同埋如有需要 (hahaha), 可以limit比朋友先見到我寫乜, 我諗好多人轉左去blogspot, 但我在yahoo blog有你們呢班朋友, 轉地頭即係同你地斷聯系, 所以暫時沒有想過咁做呢....
我呢排好忙, 真係無咩時間update個blog... 我都覺得好多blog友都少左update! 可能大家轉左去玩微博? update blog真係要d時間心機, 希望遲下工作無咁忙會有時間寫多兩隻字la
ReplyDelete[版主回覆06/17/2010 17:17:00]你地有冇季節性忙碌架？我有D朋友嘅工作係有, 而我自己都係...雖然考晒大考我應該會空閒d, 但實際係, 我又忙睇世界杯, 日夜掉轉添呀, 哈哈哈!!
希望你可以冇咁忙, 得閒寫番d野上blog等我地睇下呀!! hee hee