葡萄牙之旅 8 - 遊 Sintra

Sintra係葡萄牙其中一個一級旅遊景點, 好多人去葡萄牙玩, 都會花上半至一日去Sintra玩, 今次我去葡萄牙, 都有去Sintra, 之不過, 我完全被Sintra戲弄...何解呢?  慢慢講比大家聽。

Sintra離葡萄牙首都里斯本唔遠, 大約半個鐘頭火車車程。 在里斯本, 差不多每15分鐘左右就有火車去Sintra, 極之方便快捷, 亦可能因為咁, 更加吸引遊客前往。Sintra雖然只係一個小鎮, 但就係一個UNESCO World Heritage Site, 因為呢個鎮擁有好幾座歷史悠久、建築美麗嘅堡壘、宮殿。

Sintra鎮內有嘅堡壘、宮殿包括:

1. Palacio da Pena (Pena National Palace),

2. Palacio Nacional (Sintra National Palace),

3. Monserrate Palace,

4. Quinta da Regaleira,

5. Castelo dos Mouros (Castle of the Moors)

6. Palacio de Seteais (Seteais Palace)

就咁睇下上面個list, 都估到, 要一日之內參觀晒呢D堡壘、宮殿, 根本上係冇可能嘅事, 亦因為咁, 我只好迫於無奈, 選擇兩個景點作仔細參觀, 至於其他嘅景點, 就有緣再會.... 下次再去葡萄牙, 我會再去Sintra  

雖然我都知冬天去歐洲旅行, 天氣唔會有夏天去咁理想, 但我都冇諗過我比個天大整古, 因為我同我朋友去到之後被個地方嚇左一大跳。 

先睇一睇正常情況下Sintra一帶嘅美麗景色....

Palacio Nacional (National Palace) - 有最出名嘅兩枝大煙通, 從老遠已經可以清楚睇到。

 

Palacio da Pena (Pena Palace) - 呢座係好多人去Sintra都會參觀嘅名勝, 我都唔例外, 如果我去Sintra只夠時間去一個景點, 我都一定會選擇要先去呢座宮殿。唔知大家覺唔覺得呢座宮殿有些少似曾相識呢?  同德國嘅新天鵝堡好似呢, 查實真係有關系的。

 

好靚呢, 係咪??  不過我應該好唔好彩, 因為當日早上去到, 完完全全係另一回事呀!! 不如睇睇我當日所見到嘅景色吖....

 

Pena Palace變成咁嘅樣.......見到此情此景, 你會唔會都替我好傷心呢??  .  你話, 我係咪等於無來過Sintra呢?  好慘呀!!  呢日大霧到冇人有, 好無奈, 不過我又無嬲, 因為天有不測之風雲, 嬲又改變唔到事情, 反而可以阿Q一D....冇乜人可以見到咁特別嘅Sintra架, 哈哈哈!!

風景咁差, 咁就食番D好野彌補一下!!  Sintra有樣野食好出名, 一位葡萄牙朋友在我未去Sintra之前就提醒我去到一定要買來食, 呢樣食物就係:

 

我個人好鐘意呢種葡萄牙小榚點, 但我屋企人食左少少, 就話好甜...但西方甜點其實係預你搵咖啡送甜點。

計落, 我在葡萄牙期間食埋唔知幾多糖落肚呢?  哈哈哈!

 

穿梭葡萄牙之旅 2009/10 - 待續!