一個決定

當人生要作出一個重要嘅決定之前, 一定會考慮、考慮、再考慮。

經過深思熟慮之後, 我決定作出呢個決定。

Goodbye..... to what I don't want anymore...

Without regrets...

 

 

 

 

新的一頁

經過多個月來的補習生涯之後, 明天我又要為一份全職工作而努力了!

沒錯呢....我已經搵到一份工作....一份跟之前做的工作沒有甚麼關系的新工作。我根本沒有太多時間去考慮做不做, 反正是有朋友介紹, 避過殘酷的見工過程, 老闆們尖酸刻薄的問題, 我應該感恩了。

這份絕對不是我渴望去幹的工作, 但我體力已經疲倦不堪, 不想長期為私人補習工作而到處跑; 即使我其實很喜歡教導小朋友.....

因為突然獲得聘請, 又要很快開始工作, 我迫於無奈要在極短時間內不幹補習, 這是我對這份補習工作的最大遺憾, 要突然請辭, 通知所有家長我不再替他們的小朋友補習。我本希望有個完美的結束, 可惜, 我做不到。

不知我能否應付這份新工作呢?  希望啦!! 

************************************

嘩, 寫一篇唔用廣東話寫嘅文章, 真係唔容易呀!!!  哈哈哈!!

Stop those useless and annoying comments!!

就黎比D無聊到爆嘅comments煩死!!!!

Yahoo blog, 我唔該佢地有關當局快D踢走呢班無聊人, 唔好再係度爆我地D blogs, 唔係我遲早號召群眾擺用呀!!  有乜理由咁煩得架, 日日都有呢D不知所謂嘅無聊人!!

我日日都delete呢種無聊comments...blog友友善回應當然開心啦, 但個D留句廢話嘅唔知乜水人......唔好再煩啦!!!

 

外國人的中文紋身

呢個話題, 其實好耐之前 (起碼一年前)我已經想講, 但因為懶搵資料去寫, 所以拖左好耐。唔知大家估唔估到我想講乜呢???

就係紋身喇!!!  細個時, 如果見人地紋身, 你會覺得呢個人係三山五惡, 唔係好人。但時移世易, 紋身依家簡直超級普遍, 加上可能睇左足球比賽多年, 外國嘅球員, 好多都紋到全身花晒!!

我自己好鐘意睇人地嘅紋身, 因為在另個角度看, 紋身係一種藝術, 當然啦, 咪紋到全身花lee look啦, 咁就好核突恐怖。

 

1) Antonio Cassano (現效力緊森多利亞):

部分blog友可能知我除左Palladino之外, 仲好鐘意一個球員 ~ 卡斯辛奴 (Cassano)。雖然佢有D燥狂 (依家好左好多囉), 不過腳波掂。查實最初我開始喜歡佢, 全因佢嘅 ~~~~ 中文紋身!!  大家睇睇...

佢個中文紋身係: 安東尼奧, 係佢個名 (Antonio)嘅中文譯名。個名譯得好靚又傳神。Cassano好鐘意show佢手臂, 所以要見佢嘅呢個紋身唔難。

 

 

 

2) 另一位意大利球員 ~ 廸華奧 (Marco Di Vaio):

曾經效力祖雲達斯 & 熱拿亞, 現效力博落尼亞。佢左前手臂有個中文紋身, 但奇怪嘅係, 我唔明佢個紋身乜意思.... "貴華英"!!  照計佢個名 (Marco)點都譯唔到 "貴華英"。

 

3) 型爆嘅Fabio Cannavaro (簡拿華路):

呢位唔駛點介紹, 第二度效力緊祖雲達斯嘅大簡: 好多女子嘅夢中情人!!   

身型超級吸引, 笑容迷人到震, 6件腹肌正到暈!! (壓韻嗎?? 哈哈哈)

 

大簡都有個中文紋身, 不過唔易見到, 因為佢個中文紋身係在佢: sexy back...哈哈哈!! 佢嘅中文紋身寫做: 瑪丁娜....但佢老婆叫 Daniela, 可能瑪丁娜係.. Martina?  唔通係Daniela嘅middle name?

 

大簡太座雖然比較大份, 樣貌又唔係好突出, 不似一般意大利球員嘅另一半咁靚女又身材好.....但更難得係, 大簡同佢太座多年來依舊恩愛非常, 非常專一, 絕對係一等一好男人, 值得尊敬。

 

 

4) 萬人迷 David Beckham (碧咸):

連唔睇波嘅我阿媽都識嘅人, 一定包括Beckham!!  碧咸呢個中文紋身比較特別, 因為呢個係中文書法嘅紋身。紋得咁潦 (邊家嘅書法??), 唔知寫乜喎 (後記: 我突然睇到個紋身好似係寫: 生死有命, 富貴由天)!! 我印象中, 佢呢個紋身係之前佢隨皇馬訪中國時在上海紋的。

 

5) 貝碧托夫 (Dimitar Berbatov):

依家效力英超球隊曼聯嘅保家利亞球員。我見到佢手臂個中文紋身真係差D比佢笑死! 點解會紋 "百無禁忌"嘅??  佢究竟知唔知呢句說話點解?  會唔會佢一次諗下紋 "出入平安", "身壯力健"咁呢??

 

6) 我醒唔起呢個德甲球員叫乜名添....原來佢右手臂都有個中文紋身喎。

 

7) 韋利 (Vieri):

呢位意甲球員 (依家仲有冇球會落班呢?), 手臂有個 "漢字紋身", 但嚴格來講, 佢個紋身好日本feel喎, 唔夠中國化。

 

8) Justin Timberlake 美國流行歌星:

乜原來 JT 週身都係紋身嘅???  仲紋到亂晒寵咁, 唔係咁有秩序....大家留意下佢上身嘅中文紋身 ~~~ 溜冰 (??), 風土水火 (??), 咁騎呢嘅.... 唔通佢好鐘意溜冰 (ice-skating)??, 又或者佢好信風水嘅?  哈哈哈哈哈!!

 

9) 呢個應該係Spice Girls 嘅Mel C: 女力....呢D應該係日本野, 我其實好想問, 乜野叫 "女力"呢?  = Girl Power??

 

10) 呢個唔知乜水嘅仁兄, 係咪比佢紋身師傅玩野????  "壞孩男"???  係咪應該紋 "壞男孩"先啱呢?

講開中文紋身, 我聽過一個好攪笑嘅笑話....話說有個外國人成日show佢嘅中文紋身, 佢完全唔知自己個中文紋身係點解。有一日, 當一個中國人睇見佢個紋身後, 笑到收唔到聲....因為呢個外國人紋左:  電視機!!! 

 

唔知各位又識得邊位外國球員、外國明星等有中文紋身呢??  佢地紋嘅字係咪正路? 定係你睇左都會R晒頭或者勁笑呢??

祖記2009年10月號月刊

鬧左本雜誌幾次之後, 今個月竟然咁快就收到呢期 (10月)嘅月刊喎!!

正!  今期嘅封面係: Canna (再度回巢) 同埋Grosso (今季新加盟)!! 

Canna仍然非常咁型仔!! 

保方!!!!! 據稱佢會在12月做手術, 醫治膝頭問題。

球場嘅重建工程仍然繼續...

封面故事: Canna + Grosso!!  由於我係剛收到雜誌, 所以未有時間睇, 唔知篇文章講乜東東 (雖然以我程度, 睇左都未必知講乜, 哈哈哈)。

祖記在都靈市Lingotto商場嘅official store, 希望不久將來我可以再去都靈旅行, 到時一定要去呢間開左冇耐嘅store買野!!!

祖記嘅商品真係多好多種類喎!!!!  乜鬼都有, 連BB車、爆谷、意粉、開心果等都有!!  好野!!!

原來對Bologna個場係隊長在意甲嘅第400場比賽!!!

A tu per tu版: 嘩嘩嘩, 保方呀!!!  印象中, 我睇左呢本雜誌差唔多兩年以來, 係第一次見Buffon在呢版出現咋!!

全部細路仔出現在呢版球迷相簿!!!  有佢地, 就唔駛驚冇人繼續支持祖記喇!!

希望以後每期, 都會好似今個月咁, 早D收到....唔該!!! 

意大利 進軍2010世界杯!!

好開心!!  意大利以小組首名, 晉身2010世界杯決賽週!!! 

 

大家睇睇 ~ 今場作客對愛爾蘭嘅比賽中, 正選上陣嘅球員有幾多位Juve球員呢??  哈哈哈!!  Buffon, Camo, 黑面神, 伊亞昆達, Cheillini, 仲有Grosso!!!  11人中有6個祖記人呀!!  厲害厲害!!

 

連領隊都係前祖記領隊納比!!  睇佢尋晚幾肉緊!!  緊係啦, 一定要首名直接出線架!! 

 

Camo替意大利先轟入第一球!!   呢球係佢代表意大利比賽的第5個入球!!

 

最後時刻, Gilardino入左重要嘅一球, 替意大利追和至 2:2!!

 

Forza Azzurri!!!  2010南非世界杯, 努力!!  衛冕世界杯冠軍!!