真衰，又打敗仗!

唉...好慘，又要睇醫生。今年真係仍舊好黑仔。星期五晚又嘔左次，到尋日朝, 個人非常之暈，個胃同個頭又鬼咁痛，好辛苦。吸取過兩個月前嘅教訓，快快脆脆去睇醫生。不過我醫生d行醫時間好怪雞，要等到下午好晏先浦頭，但只係睇症一個幾鐘頭啫，睇完就閃!!

今次就係作感冒，兼血壓低，唔怪得我咁暈。我坐低一起身，眼前即刻濛成10秒，好暈好辛苦。不過佢話我因為血壓低，所以唔同得我打針。食藥冇所謂，至緊要快d好。

希望新一年身體健康，唔駛再光顧醫生啦，好重皮呀!!!!