意甲 2007-08: 國米對祖雲達斯 (1:2)

我們的偉大勝利!!! 

 

事實証明，祖雲達斯先至係意大利國內最強橫嘅球隊!!   祖記擁有最堅決嘅爭勝決心，最不屈不撓嘅精神，最團結嘅力量，最勇往直前嘅球員....祖記尋晚嘅表現絕對值得攞晒三分啦!!! 

雖然欠缺左自已球迷嘅吶喊, 在一片國米球迷嘅人海中，祖雲達斯在聖西路盡取寶貴三分; 國米球迷，你地唔好傷心喇, 返屋企先喊啦。 呢三分，可能係祖記喺呢賽季中所獲得過嘅最有意義，最寶貴嘅三分。球季開始咁耐，國米多次獲得過球証們嘅 "特別關愛", 今次佢地可以盡情感受一下 "缺乏關心"係乜野感覺喇。國米球隊、球員同球迷, 你地唔好投訴喇，過左海就係神仙呢個道理，你地最知點解啦。

賽前一致被看淡，點知....哈哈哈, 強人是你 ~~~ 祖記!!!   除左頭個一兩個字, 我之後都係緊張到全程企喺個電視機面前睇場波。睇呢場國家打吡, 好似睇梗世界杯、歐洲國家杯咁, 緊張到要命!   保方救左國米幾個險球; 基亞連尼、摩連拿路、歷高達利、Momo、加基拉等，就根本攪到國米嘅中場同前鋒大部份時間無啖好食。至於Camo, 真係犀飛利, 喺中場活躍到爆，搶到好多波 (仲首先喺越位下先入左波); 而隊長廸比亞路同查斯古特有幾次玩到國米嘅貝廸素同馬達拉斯陀陀擰!!!!!  國米輸左兩粒後, 簡直好似崩潰左一樣，士氣又低，進攻又亂晒龍咁。但佢地竟然喺81分鐘入左粒。好彩加時4分鐘，佢地再冇進帳, 而祖雲達斯就發揮左宇宙嘅神奇力量，爭取到三分返都靈屋企!!!  Hurray!! 

祖記 ~~ 繼續努力!!   今屆如下賽事, 誓要場場攞足三分呀!!! 

 

保持世界級水準嘅鋼門保方, 面對住國米非常淡定，撲救準繩。

 

第一球入球嘅功臣Camo!   

 

基亞連尼同伊巴呢對冤家。

 

有幾次玩到馬特拉斯儍晒嘅隊長。可惜佢今場d罰球好差，離行離 "la"左d 喎。 另外就錯失左大好入球機會。希望佢快d有入球啦。

 

令到國米中前場球員冇啖好食嘅功臣們....

 

強勁嘅Nedved, 兩次留晒鼻血都唔出場處理，誓死要拼到底嘅精神值得加許 (不過就睇到我替佢牙煙)!!!

 

開心到飛起嘅查仔!! 

 

雲尼亞里 ~~ 今仗比佢攪掂左，攞左3分返屋企。 好野!!!

 

祖記嘅另一贏波功臣 ~~ 貝廸素。唔該晒佢個助攻，哈哈!!

 

垂頭喪氣, 極度沮喪嘅馬特拉斯。 Sorry, 你下次再黎過啦!!!