右腦記憶法!

今日下午走左去參加一個我覺得幾得意嘅活動，就係呢排好流行嘅甚麼增強記憶力嘅講座。聽講如果比$去呢d講座，分分鐘要成3/4千蚊。不過咁貴唔駛指意我玩啦。今次因為係一個friend個老細攪嘅, 加上個活動本來都係朋友公司私下嘅免費活動，我朋友無意中同我講時，我就問佢我可唔可以都去呢，佢就即刻幫我留左個位。Thank you 我個friend so much! 

今日去到個場地，好多小朋友同d爸爸媽媽一齊黎，好熱鬧，其實呢個活動個名叫 "親子記憶法", 所以都係一家人居多，得我一個無尼頭自已坐左喺度。

我一直都好想參加呢種關於記憶力嘅活動，因為我覺得自已記性越來越差，而且因為讀書進修緊，所以希望搵d科學化嘅方法去改良一下自已記性。

個talk分兩個禮拜進行 - 今日下午4個鐘，下星期六又4個鐘。聽起黎好似好長時間，但如果肯投資8個鐘頭，話唔定我所得嘅係好多個8個鐘頭都搵唔倒嘅, 所以即管試下呢個咁多人談論過的一種記憶法對我有冇用。

去完今日個第一 round, 覺得套記憶法內容幾有邏輯, 我地一路上課一路有好多workshops即時進行。果然用左d方法後，幫助倒我記更多資料。

都幾好，能夠善用左右腦，善用天主賜比我地每個人與生俱來嘅神奇大腦。

好，我要用盡我嘅左右腦。講真，我唔希望我將來會有老人痴呆，失去記憶係一件好惋惜嘅事。人雖然有某些事情係你未必想記得，但我希望我係可以自已有得選擇去記住或者忘記事情。

好期待下個禮拜個第二round。