意甲第27週賽事: 熱拿亞 vs 祖雲達斯 0:2

Saturday 9 March 2008, Luigi Ferraris Stadium - Genova

好高興，尋晚場比賽，祖記終於贏波喇!!  經過之前三場比賽合共只得嗰1分嘅悲慘情況後，終於淨勝熱拿亞兩球，全取三分返屋企, 又再打翻開勝利之門!!! 

本來我諗住唔睇尋晚場比賽 (因為唔想再病過), 但竟然無端端4:30am彈醒去厠所喎, 幾鬼啱, 下半場準備開始，咁即係注定叫我睇下啦, 哈哈哈。一開電視，已經0:2, 雖然已經入左兩粒，missed左，不過可以今晚睇翻重播；但就好興奮，作客領先梗兩粒咁好，下半場就易打d囉。

下半場雖然冇入波，不過對方亦入唔倒祖記個大門，所以祖記最後得以有驚無險作客贏0:2, 全取三分。 講時講，最鬼驚嚇嘅場面係有一次當對方一位球員(唔記得乜水喇) 射門時，比保方拍出，但個波就彈柱出翻黎，好彩咋，如果個波係彈內柱入左網就輸1球喇，所以真係好彩。

更好嘅係費倫尋晚輸波，咁依家祖記又可以擴大翻同佢地四分嘅差距，站穩係第三。不過第四(費倫)& 第五(AC米蘭) 嘅相差只得一分，都肯定好落力想追上來，所以祖記都仍然係危危地。黎緊，祖記繼續發力，狂贏波，坐三望二啦!!!  加油加油!! 

經過27週賽事後，排名榜形勢如下:

(冇錯的話, PT: points gained;  G: matches played;  V: win;  N: draw;  P: loss;  GF: 得球;  GS: 失球) ~~ 有錯請指正。

 

祖記球員雀躍慶祝入球嘅場面，已經好耐冇見喇!!!

 

佳基拉入球靚嘅，再加一個助攻協助查斯古特入左一球，今輪佢應該得最有價值球員呀!    

 

自1月27日之後，查斯古特終於打破近兩個月來嘅入球荒喇, 幫祖記入左1球, 而佢自已今季又多左一入球,......希望佢可以成為今季意甲嘅神射手啦。 

 

辛尼迪就慘喇，拉傷左大腿，可能要休幾個星期添，希望佢冇乜大礙, 快d康復啦。