期待以久嘅復活節假!!

連返左3日 6am-6pm, 簡直係虛脫咁....人都顛，下星期仲有 2 days (星期四同五)又係咁!  好彩可以搭的 claim翻$....

尋晚嘅意大利文堂臨時cancel, 老師打電話來通知時 "sa"晒 "lum", 其實我不知幾開心，因為咁我就可以放工後即刻返屋企，食飽飯就瞓....4am再起身睇祖雲達斯場直播 (skip左頭嗰半個鐘)...好彩頭半個鐘冇入波....唉，不過睇成場波都入唔到粒，只係悶和 0:0, 好鬼失望冇心情。  睇完都成 5:15am, 轉過隔離台 (Now tv)睇左陣拉素對羅馬就已經要出門口返工....睇一陣就有兩球入喇, 打和成2:2 (點知後來得知拉素贏3:2)!  多入球嘅球賽真係好睇好多呀。

今日全日得個坐字，個market差都咁，邊會有人出deal得，兼夾成朝早7點幾先發現....乜原來日本今日假期休市....!!!  在公司攪d claim$野真係好煩，多多手續, 好懷念以前簡簡單單嘅日子，依家所謂大公司制度好鬼無聊, 浪費時間同人力物力做d雞毛 "suen"皮野.....

都係夜晚返church參與彌撒最開心......唔問代母都唔記得今晚8pm有場 "主的晚餐" 嘅彌撒....當然註我地聖堂嘅三位神父今晚全部都出晒黎啦。聽朝早嘅拜苦路去唔到喇，8pm個祈禱晚會唔去喇，不過點都要出現3點鐘那個甚麼十字架祈禱 (太多活動我成日都攪唔清).....星期六晚個彌撒最重要 (主耶穌復活), 兼我代母又收左個新代女，當晚會領洗，但之不過我有個friend話當日來HK玩，要相約我, 去唔倒呢個最重要嘅彌撒添....點搞??!!