旁晚時分, 去左一個會面....
一位青梅竹馬嘅老朋友, 介紹我一份補習...我都有起碼兩年冇同小朋友補習囉....本來唔想再咁困身, 但因為想搵多D錢, 所以就決定再戰江湖, 哈哈哈!!!
剛才就係去見一見小朋友的爸媽, 大家傾下計咁啦, 當然傾埋條件添啦。好神奇, 本來我已經想定, 我最多只可以一星期補3日, 我心諗, 最好係星期二、四、六啦, 點知個小朋友逢三、五有默書, 媽媽想我可以的話補二、四、六!!! 好感謝天主, 我覺得呢個簡直係天主幫助我呀! 天主知我想搵銀但又時間有限, 但都幫助我搵到個好人家!! 呢家人住得都算幾近我屋企, 放工去完補習再返屋企都只需好少時間, 太好。
希望搵多少少$, 幫補交稅; 仲有就係想儲多D糧, 作為下次去旅行用。同埋前排因為病花左D錢睇醫生, 幸好有公司保險包左大部份, 但今日唔知聽日事, 都係有多個錢防身比較安樂D。如果時間能力許可, 想搵份秘撈。不過我諗黎緊歲月就會變得好忙添...... time arrangement又係時候發揮作用喇。
係"重"出江湖.....
ReplyDelete你補什麼呢?
[版主回覆09/30/2008 20:52:00]係喎, 唔該晒尼維特你提醒 , 轉頭改番先, 哈哈。
天父一定為我們作最好的安排。 啊......仲有冇時間同我食飯......
ReplyDelete[版主回覆09/30/2008 20:56:00]真係呀, 相信天主會為我地作最好的安排....
當然有時間一齊吃飯啦, 哈哈哈, 不過唔介意的話, 不如星期六彌撒完後呀?? 如果你想, 我地仲可以叫埋富玲 &佢對攪笑仔女, 同埋麗明呀。
哈哈!我都想搵秘撈...因為呢個年紀真係要有個錢旁下身!
ReplyDelete[版主回覆09/30/2008 20:57:00]你好後生咋喎, 保方, 哈哈哈....我就真係要多好多個錢旁身先啱呀!!!
補習天后......係天后補習??? ha ha....爛gag
ReplyDelete[版主回覆09/30/2008 20:59:00]我都希望可以好似D補習天后搵咁多呀!!!!! 咁就和味喇!!!
就約你今個星期六吃飯呀！
ReplyDelete[版主回覆10/04/2008 14:52:00]好呀, 約你今晚呀 (唔好意思我依家先有時間回覆)!!! 等陣間Church見!!
莫非你係香港A神，哈哈！
ReplyDelete不過搵錢還搵錢，要保重身體呀！
[版主回覆10/04/2008 14:55:00]冇錯, 我係A君, 不過...就唔係A神, 哈哈!!
多謝多謝, 保重身體真係 No.1任務。唔知點解, 人大病痛多, 錢就需要更多; 但大左搵$能力 (體力方面)又未必勝任得到喎...盡力啦, 希望以最少時間搵到最多嘅錢, 哈哈哈!!!!!!!