昨日 (14/9/2008) 祖雲達斯對烏甸尼斯場比賽開始前, 進行左一個儀式, 邀請左隊長送贈球衣比幾位特別球迷。
幾位球迷係奧林匹克獎牌得主, 亦係祖記球迷。隊長將有呢幾位球迷名字嘅球衣, 代表球會送贈比佢地。不過唔好意思, 我唔知幾位球迷係參加乜野比賽項目嘅選手。
至於Mike Bongiorno (第一張相最左面的老伯伯) ~ 佢係美國出世嘅意大利人 (母親係都靈人), 係意大利著名嘅節目主持人, 被稱為 "The Quiz King" (因為佢做好多 quiz shows)。
Il capitano Del Piero, prima della gara interna con l'Udinese, ha consegnato le maglie a dei tifosi speciali: (da sinistra) Mike Bongiorno e ai medagliati olimpici di fede bianconera (Confalonieri, Rigaudo, Quintavalle e Trillini).
其實好多意大利人係鍾意祖雲達斯既，但都靈人就唔係，佢地主要鍾意拖連奴!!!
ReplyDelete[版主回覆09/17/2008 21:16:00]係呀, 我同意你所講, 應該都靈人多數都係拖連奴球迷, 包括我朋友一家人呀。
Del Piero is so manly!!!!!!!
ReplyDelete[版主回覆09/17/2008 21:17:00]隊長越來越有男人未力, 好MAN呀。
如果我地都有咁既機會就好喇(發夢中)？？！！
ReplyDeleteAnita，你有機會要快d巴結下果邊d職員喇，睇下有冇機會，我地靠曬你，呵呵！
[版主回覆09/17/2008 21:19:00]阿Dick, 希望有朝一日我地都一齊有機會, 在祖記主場被派送球衣 (發夢中仲有我呀), 哈哈哈。 點巴結好呢? 大家想想辦法吖!!
Saga,會唔會因為拖連奴(Torino)是代表都靈的球會呢?
ReplyDeleteTa~果d特別球迷係唔係意大利人黎既呢? hehe, 迪比的笑容魅力迫人, 暈喇!!!!!!
Ciao Ta Ta La Juve is playing the Champion League tomorrow night! Will you watch?
ReplyDelete[版主回覆09/17/2008 21:26:00]Ciao La Chinita!!! Buona sera!!
今晚應該唔睇直播喇, 因為我覺得之前小小捱壞左身體, 依家我想儲番多D能量 !! 不過一定會睇番重播。如果祖記入四強, 我就破戒睇直播啦。咁你同你老公今晚睇唔睇直播呀??
班球迷就好啦!好羨慕啊!
ReplyDelete[版主回覆09/17/2008 21:27:00]極度羨慕呀!!!!!!!!!!!!!!!!!!!!!!!
我問過我的意大利朋友佢咁講的，D都靈人話如果唔係空難，拖連奴唔會好似宜家咁弱喎...
ReplyDelete[版主回覆09/17/2008 21:32:00]對呀, 那場空難, 大大傷左拖連奴嘅原氣, 而且佢地亦真係從此冇以前咁勁。如有興趣, 可以睇睇我呢篇blog (穿梭都靈 07 ~ Part 5 都靈美景大搜羅), 有提到我去一個景點同拖連奴球隊有關係的。
http://hk.myblog.yahoo.com/torinohk10/article?mid=276
猫侯爵, 你嘅問題令到我好有興趣 (有籍口)去搵答案!! 都好, 認識多D有關意大利嘅野。我在internet搵左一輪, 得出以下結果:
ReplyDelete佢地全部都係意大利人, 同樣有參加今屆奧運。
Elisa Rigaudo ~ June 17 1980出世, 正職係 police officer (!!!), 參加 20km walk, 今屆得一面銅牌。
Giovanna Trillini ~ May 17 1970出世, 參加 foil fencing項目 (唔知係乜), 攞左好多面金牌呀, 自1992年 Barcelona奧運已開始參加, 之前四屆合共取得 4金、1銀、2銅! 今屆就得1面銅牌。好厲害!!
Giulia Quintavalle ~ 今屆 Women's 57kg judo 金牌! 嘩, 佢完全唔似玩 judo呀。
Diego Confalonieri ~ April 11 1979出世, 米蘭人, 係今屆 Men's Team Epee同 Men's Individual Epee選手。今屆 Men's Team Epee銅牌得主。
嘩!妳真係勤力呀, 又犀利, 搵到哂, 唔讚下都唔得 , foil fencing 應該係劍擊入面的花劍項目啊!
ReplyDelete[版主回覆09/19/2008 10:48:00]多謝, 好奇心太強...哈哈哈...原來 foil fencing係咁意思, 不過我都係唔知乜叫花劍項目添.....
呀~講開又講, 因為我都真係唔算識好多足球既野, 但知道意大利多數球會都係有根據地(在每個大城市都機乎有),所以當地既人都會支持返自己個城市既球會, 好似都靈就係拖連奴(torino), 羅馬就係羅馬, 米蘭就有兩隊國際米蘭同ac米蘭, Napoli有拿玻里, Genova就係熱拿亞, Parma就有帕爾馬呀等等等等, 都係同個城市同名架, 但祖記就唔係喇, 因為Torino已經代表左都靈啦, 咁點解祖記又搵都靈落腳呢? 在意大利好似好少類似祖記咁唔係以城市代表作為球會名稱同根據地既球隊......... 純粹無聊咁諗下, 唔好笑我呀!
ReplyDelete[版主回覆09/19/2008 10:57:00]SAGA解答左你嘅疑問未呢?? 哈哈。
邊會一個地方得一個球會架?米蘭都兩間啦。講多個故仔你知，維羅納就有維羅納同基爾禾兩間球會。以前代表市既就係維羅納，但近年你知咩事啦。仲串人地基爾禾上到甲組的話驢仔都識飛.....(好多人都知的故事)另外維羅納d 球迷好多都好暴力同粗言滿天飛，咁有d人就支持左健康既基爾禾(可以安心帶埋細路一家大細入場掛)，點知維羅納d人串佢地係咪黎野餐? 都幾搞野。到宜家都唔知幾時先見到佢地甲組打吡啦......
ReplyDelete[版主回覆09/19/2008 10:57:00]SAGA, 多謝講解!!
OIC, 真係多謝saga話我知,等我又知道多d~~ 睇黎你都係忠實球迷一名
ReplyDelete[版主回覆09/19/2008 10:56:00]SAGA直頭係超級球迷啦, 哈哈哈!!! 好多地方 (唔只意大利), 一個地方都可能有好多球隊, 話唔定仲有意乙、意丙嘅球隊, 佢地都會為升上更高水平級別聯賽而努力; 而好多時, 大球會亦會send佢地嘅青年軍球員去細球會 (低次級球會)踢波磨練同爭取經驗, 好表現的話會召佢地回去。