針灸

之前我隻 "黃金右腳" 嘅跟膜炎, 在去意大利旅行前求其攪好佢 (以為).... 點知原來未好晒, 我在意大利日行夜行3個星期後, 狀況日趁嚴重... 因為我討厭食藥, 更加唔想打針 (一來痛死, 二來驚打得太多類古醇), 於是兩個月前選擇針灸。不過因為唔想花咁多錢, 又冇乜時間, 整左10次8次好番D就停左。

上星期六, 我冇著波鞋, 改著平底鞋 (類似 Converse), 著左幾個鐘後, 右腳就開始痛...尋日仲痛足成日添, 好驚。今日終於把心一環, 一定要快D攪好佢, 如果唔係會變成長手尾。那位針灸師傅有幾十年功力, 我話佢知我又痛番, 而且仲頗痛...佢mor mor我隻右腳跟, 話腫起左...唔怪得咁鬼死痛啦, 佢按我D位好準, mor親D位都係痛到我忍唔住叫左出來。

比佢做完一輪針灸 (過中情況當然頗痛), 即刻感到好左好多。我相信今次要做番20次 (起碼) 針灸先得徹底醫斷尾。錢, 真係唔係問題, 醫唔好先係問題, 真係咪鬼再咁姑寒先得。

上年新年前幫屋企大掃除, 點知樓親條腰, 睇左3個月物理治療, 好彩可以claim番錢。但今次當然冇得咁做啦.....