2008年8月號祖記月刋...無了期...

平時, 每個月大約23號, 點都應該收到當月嘅祖記月刊。但今個月就直至依家, 份雜誌都仲未出現, 唔知攪乜呢。初頭諗, 唔通已經一年訂閱期到左?  但冇理由咁快, 我記得我係做左祖記會員一段時間後先開始訂雜誌 (我剛剛先續祖記會藉咋喎, 即係雜誌仲有得收啦)。而且, 如果訂閱期到, 佢地應該通知我再續訂。

所以, 尋日sent一個email比雜誌嘅訂閱部, 問一問佢地。

個email一sent出去, 唔駛一分鐘, 就有一個auto reply (自動回郵), 我開來睇睇, 就....

******* 佢地sent比我個email ******************************

2008/08/26 星期二 下午 01:00:56 CST

Subject: Ferie

L'ufficio abbonamenti rimarra chiuso per ferie dal 4 al 24 agosto compresi.


Cordiali saluti.

**********************************************************

一路都有話, 意大利人8月會放假兩星期, 意大利好多城市/地方會變成死城, 但海岸城市 (有海灘的)就會迫爆人。我今日終於信有呢回事, 事關呢間公司全個訂閱部, 竟然全體一齊放暑假喎!  仲係由8月4號放到24號!  成個部門一齊放假咁咪即係公司唔駛做任何生意??  仲有仲有, 尋日已經26號囉喎, 有乜理由仲係呢個autoreply, "公司正在放假中"嘅回覆呢??  有冇攪錯!!  D員工唔係放假放到唔記得返工掛?  定係返左工但唔想做野, 所以仲唔攞走個autoreply??

我其中一位意大利文老師話, 依家在意大利嘅公司唔興放暑假, 因為生意難做; 而且仲話只有小城市嘅細公司先仲會放員工暑假。咁我諗我呢間雜誌公司應該非常好生意囉 (公司在Bologna博洛尼亞, 唔太細嘅城市啦)!  ...之但係, 我記得我一個在米蘭做engineer嘅friend, 都話佢暑假放兩個星期假喎....米蘭係意大利一級城市喎。

或者就好似8號風球大部分人可以放工返屋企, 但我就可能要繼續返工一樣啦。

言歸正轉, 咁我本雜誌幾時先收到呢??  我想睇雜誌咋, 唔好玩我啦。