Part 8 - 都靈獵影之一!!!

今次在都靈嘅時間比起上年長d, 所以容許我 (同個friend)可以睇多少少都靈嘅風景同了解多d呢個地方嘅生活同民生情況 (只係多左少少)。

因為在都靈影左好多相, 要全部放晒出來同大家分享的話, 真係寫幾十篇文章都未交待得晒!  所以希望能盡量將d呢一個禮拜以來, 見過嘅美景同有趣嘅景物, 連同一d簡單敍述分兩至三篇講講...

都靈嘅地標 ~ Mole Antonelliana, 簡稱 'La Mole"。我在 "穿梭都靈2007" 嘅文章裡有介紹過的。 來都靈, 除左睇祖記球賽, 去Juventus Store購物, 同埋睇球員外, 點都要抽時間來呢度參觀, 如果唔係就好似冇來過都靈一樣。 La Mole外表金碧輝煌, 好有氣派, 而且係都靈市最高建築物 (高167米)。始建於1863年, 本來用作猶太教堂。 夜晚嘅La Mole, 喺強勁射燈照射下, 更加有氣勢。

La Mole裡面有間國立電影博物館 (Museo Nazionale del Cinema)。當初以為呢類博物館會好悶蛋, 但呢間博物館真係超乎我想象之外, 除左設計一流 (同埋睇得出好花心思同$), 裡面嘅展品都好得意, 其中仲有d差利、瑪利連夢露佢地曾經在電影裡面著過嘅戲服或戴過嘅物品等。 另外, 博物館好花$做好多特技野, 總言之好正。我上年在呢個博物館 "mor"左3、4粒鐘 (1個人); 今次同個friend一齊, 一來大家太倦, 二來我來得太密, 沒有新展品缺乏新鮮感, 所以今次逗留唔太長時間。 值得一提,。之所以在都靈起呢間國立電影博物館, 係因為都靈係意大利著名嘅電影城, 就好似美國嘅荷里活咁啦。

來都靈, 如果會逗留幾日的話, 我都推介大家買張 Torino Card, 例如一張3日嘅Torino Card, 包足你3日裡進入所有要比$嘅景點 (包括上La Mole頂睇都靈全景, 入國立電影博物館, 仲有埃及博物館, 同埋可以搭小火車上都靈近郊上山, 遠睇睇都靈全景), 再加免費搭所有市內巴士同電車 (但唔包地鐵), 所以超級著數。張card在旅遊中心有得買... 不過...唔好意思, 唔記得了幾多$, 但買張card我覺得真係抵好多。

呢座就係 La Mole喇!!

排隊搭升降機, 唔駛1分鐘, 就飛咁快上到頂頂嘅觀光層, 欣賞都靈美景。 有趣係, 搭升降機途中會穿過個電影博物館中間, 見到參觀者睇緊野!!! 

如果你想影都靈嘅風景, 而你帶嗰部相機只係普通嘅相機嘅話, 我極度提議你在日間上La Mole。我上年晚上上來, 個景係好靚, 但夜晚黑媽媽, 根本東南西北都未識分, 下面嘅景都唔知邊度打邊度, 而影相更加唔駛諗, 架機咁 "普通", 根本影唔倒乜!!!  所以今次我寧可選擇日頭來, 因為可以清楚欣賞風景, 又可以影番相作為留念。 至於幾時晚上上黎La Mole??  當你唔care嗰d景, 淨係想同你另一半馨馨我我嗰時, 咁夜晚上黎就至perfect喇!!  哈哈哈!!! 

以下幾張相就係我在La Mole頂上影的, 閣下可以行"暈"成個La Mole, 360度想影邊方向就影。

超級咁大嘅廣場 ~ Piazza Vittorio Veneto, 號稱全歐洲size最大之一嘅廣場 (真定假我唔清楚喇)...

旅遊書介紹, Fiume Po (River Po)貫穿意大利多個地方, 其中流經都靈。沿著River Po邊行下, 都幾寫意。晚上呢帶 (相示, 稱作 Murazzi dei Po)有好多bars, 食飽來hea下都幾好喎!

Murazzi在5月尾 (即係祖記來亞太之旅嘅時候), 都靈連場瀑雨, 引起大水浸, 呢個地方一帶就係浸過帳篷底... 

要來Superga, 需要在市中心搭大約半個鐘頭巴士, 再搭小火車。我地來呢日剛剛天氣非常差, 仲落起大雨, 同埋氣溫急降, 上到山上凍到我地飛起!  尤其我只著件短袖T-shirt, 外面得件長袖外套, 但嗰日上到去應該得番10度左右, 凍到d牙係不斷打震! 

因為有Torino Card, 所以只需去賣票處換飛, 就可以等上小火車了。如上年一樣, 又有去到邊見到邊嘅意大利 "成羣"學生。呢班學生比較大個, 所以冇咁noisy。 小火車內裡好靚, 好古色古香, 亦很乾淨。

 

Basilica di Superga (Superga洗禮堂)

天色灰暗, 從山上影落山下嘅都靈市係白濛濛, 乜都睇唔清。

呢間雪糕店賣嘅雪糕 (gelati)好滑好正, 而且只係 2歐羅, 平過香港買嘅意大利式雪糕成3分之1。 在都靈據講最出名之一嘅店, 成日都有好多人在門口排隊等的。

點解我影呢位在電視上嘅uncle呢?  事緣某電視台每次新聞報導後, 呢位uncle就會走出來講全國天氣報告同預告。但好攪笑, 佢每次都著晒成套好似軍人咁嘅樣, 仲好認真講天氣的。點解佢咁樣穿著講天氣呢?  我真係唔明白...