季前熱身賽: 多蒙特對祖雲達斯 1:3!!

本來冇乜特別興趣講熱身賽, 因為唔係正式嘅比賽。不過昨晚場波, 愛隊祖雲達斯作客, 竟然大數主場嘅多蒙特 3比1, 真係有d意外同興奮!

 

若然Palla都係坐緊係度就好啦...不過可能依家踢熱拿亞會有更多好表現的。希望啦!!

 

本來場波應該星期六晚作賽, 不過多蒙特嗰邊因為惡劣天氣, 橫風橫雨兼雷電交加, 個主場球場又嚴重積水, 所以比賽被迫取消, 要改星期日 (昨晚) 比賽, 我地fans當然非常冇癮。遇啱昨晚一早已約好一班朋友食晚飯, 無法放飛機 (最重要係: 放飛機絕唔係本人嘅行事作風, 哈哈), 所以只好錄影起個比賽, 今日睇番。

講到描述評論比賽內容, 我當然唔及一眾blog友.... 不過我都想在自已個blog發下噏風, 留番下d紀錄。

開賽5分鐘, 竟然比件阿瑪利, 接應左佳基拉一個來自右面嘅靚妙傳, 先入一球。唔好意思, 我唔鐘意阿瑪利, 所以雖然佢替祖記入球領先, 我都唔多興奮。

 

雖然佢入球我唔多興奮, 不過祖記贏波, 佢確實係有功榮嘅...

 

下半場, 隊長廸比亞路入場, 很好!  仲有伊亞昆達同馬基安尼 (yee...)都入左場喎。以祖記四個前鋒來說, 除左隊長, 我最希望伊亞昆達可以在今季多d上陣機會, 支持佢!! 

下半場5分鐘, 達哥果然不失眾望, 入左一粒!  在75分鐘佢又再入多一粒!  很好, 達哥真係要以表現show quali比雲帥同祖記管理層睇!

 

越唔睇好, 踢得越好喎, 真係意外!!  呢個保臣來個靚助攻, 協助達哥梅開二度。

 

尼維特今場波踢得好有活力, 又有打不死嘅精神, 佢真係好勁!!  

 

之後雖然比多蒙特以一個12碼 (多得位Zebina啦) 追番一粒, 追成1:3, 但祖記最後都仍然以呢個比數, 贏出呢場熱身賽。

贏左呢場熱身賽, 先叫有d睇頭, 事關之前對嘅只係一d低好多皮嘅對伍, 今次在作客情況下贏一隊德甲球隊!  咁就差唔多喇!  希望祖記繼續努力, 在新一球季, 無論在意甲同埋國際賽事, 都有非常好嘅發揮啦!!!