Part 13 - 我愛五漁村 (Cinque Terre) 之二!

之前一篇文章提到, 五鄉地嗰五個迷你漁村, 被意大利政府劃為國家公園, 比左所謂 "買路錢", 就可以自由出入行山。由於五鄉地太出名, 因此吸引好多好多各國遊客專誠來到五鄉地行山。 在我地兩日嘅行山旅程中, 就遇到過意大利人、荷蘭人、德國人、法國人等等。

在呢帶地方行山, 大家都好有親切感, 尤其是朝早, 因為當大家行山見到對方時, 都會講 "Bourgiorno"或者 "good morning" (而法國人就一定係 "boujour"!)。 有時遇到啱傾嘅話, 仲會講多幾句添, 我地就試過同兩個荷蘭人傾左一輪喇。

五鄉地: Monterosso --> Vernazza --> Corniglia --> Manarola --> Riomaggiore

去到五鄉地第一日, 上完Vernazza個古堡後, 見仲有大把時間剩, 於是就行山過Monterosso (Monte = mountain, rosso = red)。 Vernazza去Monterosso嘅路, 指引唔係太明顯, 如果搵唔到就問一問鎮裡嘅人啦。

上山路上, 一路都有類似嘅指示牌指示行山者前行, 所以唔會行錯路或迷路的。 Vernazza去Monterosso, 印象中好似行左1.5個鐘頭, 條路好易行, 唔多辛苦, 不過若果掉轉方向, 由Monterosso行過去Vernazza, 就會行得辛苦d, 因為好多上樓梯嘅路。

從山上行去Monterosso途中, 望番去Vernazza, 真係好靚, 唔怪得Vernazza被認為係五個漁村中最美麗嘅。

Vernazza變得越來越細喇....但個海景就越來越大...

我地好好奇, 想知呢兩個男女點樣可以落到去下邊晒太陽咁鬼勁!!!  為左要晒太陽, d外國人乜都唔怕喎!!!

Monterosso就喺前面, 遠看好多人在沙灘上邊晒緊太陽或者游緊水喎!  在意大利, 沙灘分免費同要比$兩種, 唔知呢個沙灘使唔使收錢嘅呢??

 

行咁耐, 終於到達Monterosso喇!    不過呢個漁村比起Vernazza, 失色d, 冇咁靚。

行到成身熱晒, 又係食d正野嘅時候喇 ~ 美味嘅gelato! 

~~ 穿梭意大利2008 ~~ 待續 ~~