奇珍異品的 "美食"!!

奧運仲有一個月就到, 有關北京嘅報道, 不斷在外國報紙見到。今日在意大利La Repubblica報紙 (共和報)嘅網上版, 見到有幾副相片, 加插埋幾句說話.....我就有少少野想講下....

又係講中國人嘅珍修美食啦.... 佢地影左當地一個女仔食緊一串蠍子嘅相, 然後話當旅客去到北京睇奧運時, 會被迫見到好多呢d買另類食物嘅檔仔同舖頭。食蠍子真係好核突恐怖嚇人, 我諗應該仲有好多騎呢古怪嘅爬蟲類 (總之就係背脊向天人所食)會可以在北京有得食。

Spiedini cinesi, il morso allo scorpione

 

我唔係話乜, 不過, 法國人夠食核突到死嘅鍋牛啦, 又谷肥d鵝為左攞鵝肝同製鵝肝醬; 日本人不斷搵藉口殺鯨魚, 做佢地嘅美味魚生; 亦有好多人食馬肉, 夠慘不忍睹啦....

點解淨係強調中國人食呢d奇怪蟲類?  雖然我唔會食呢d野, 亦都真係覺得好核突, 但我覺得有好多外國人鐘意玩針對, 同埋某程度上對一d野已經存在篇見, 繼而大做文章。

上年我在羅馬讀意大利文期間, 住在一個當地人屋企兩星期。我覺得個女主人好有問題, 我第一日去到佢屋企, 佢就問我入意大利境時, 海關同我講乜, 我話我在都靈入境時, 好簡單喎, 個海關阿哥乜都冇問喎....然後個女主人話點解咁容易簡單 (我點知點解啫, 低低地, 過海關當然希望唔會被海關留難啦)..跟著講講下, 佢話佢從來都未有在羅馬食過中國餐, 因為中國餐館好烏joe邋tat喎, 又話經常有衛生處嘅人在中國餐館搵到蛇蟲鼠蟻之類!!!  然後佢就話依家意大利好多非法移民, 又有好多中國人靜靜偷渡來意大利, 之後十幾廿人迫埋住在一個好細嘅地方, 再跟著...佢問我在羅馬兩星期後, 會點? (我話當然返HK啦)。 你估意大利好巴閉呀, 有金執咩??  我在HK有正當職業, 有人工, 有波睇, 有街去, 有屋企人照顧, 有friends見, 有網上, 唔通留在意大利做非法居民咩?? 之後我發現, 佢比我同房嘅荷蘭女人間屋嘅鎖匙, 但就冇比我, 擺明驚我有鎖匙對佢有危險....我真係都唔想要有佢屋企匙呀, 如果唔係等間佢屋企少左d野容乜易賴我呀。

我覺得呢個世界上, 有好多人應該係鄉下人, 除左佢自已個地方外, 未出過城, 未見過世面, 冇睇國際新聞, 冇知識, 冇見地!!!  世界咁大, 佢以為自已係最醒最巴閉最架勢。自此之後, 我非常唔鐘意羅馬人 (加埋呢個地方嘅人大部份係噪底ga)!!  (仲有件馬基安尼都係羅馬人!!!)

跟著今年喺都靈, 班上邊有兩個來自智利嘅小朋友 (一個18歲, 一個16歲, 兩兄弟)...個大佬在班上傾開計時, 好唔好意思咁問我同我個friend, 佢話聽講中國人食狗肉, 真定假呢??  佢細佬仔唔識世界, 我唔怪佢!!!  我地第一時間話, 喺香港食狗肉係犯法, 好大鍋, 要坐監ga!  打狗都比告到七彩呀!  好需要改正別人好錯嘅觀念!!!  至於在中國嘅境內其他地方, 在下真係唔知仲有冇人會食狗肉喎.......不過之後大家都話好多地方嘅人都有騎呢食療, 會食奇怪嘅動物同昆蟲之類嘅野。 ********************************************************************

原文 (意大利文)來自:  http://www.repubblica.it/

I cani no, ma gli scorpioni restano nei menù dei ristoranti cinesi. I turisti in arrivo a Pechino per i Giochi Olimpici dovranno rassegnarsi ad assistere alle scene di libidine gastronomica dei residenti davanti a uno spiedino di scorpioni, considerati una leccornia della cucina asiatica. L'occidente, infatti, ha vinto la battaglia per bandire la carne di cane dalle proposte dei servizi di ristorazione legati alle Olimpiadi ma non ha ancora ottenuto l'eliminazione di altre "stranezze" alimentari come questa.

 

英文翻譯:

Dogs not, but the scorpions remain in the menus of Chinese restaurants. Tourists arriving in Beijing for the Olympic Games will have to resign to attend the scenes of gastronomic unsatisfied libido of residents in front of a skewer of scorpions, considered a delicacy in Asian cuisine. The West, in fact, won the battle to ban dog meat by the proposals of catering services related to the Olympics but has not yet obtained the elimination of other "odd" food like this.