除左球衣以外, 我另外收藏左一d有關意大利或者祖雲達斯嘅物品, 最喜愛嘅就係T-shirts, 原因係因為本人喜歡著T-shirts。有部份tee, 我都唔知將佢地擺左喺衣櫃裡邊個角落, 搵唔倒, 所以今次放唔到上呢處 "展示"。遲d佢地 "浦番上面", 我再將佢地show比大家睇睇啦。當然, 收藏數目都係得好少咋......
呢件意大利外套, 三條橫在2006世界杯前出嘅。因為質地勁厚, 而我又怕熱, 所以我好少著。
2008歐洲國家杯時, 球員落場時, 就係著住同呢件一模一樣嘅風褸。見到保方同阿Dick放在佢地blog上面, 所以就托保方幫我 "班"件番來喇。唔該晒。
意大利國家隊 2008-10嘅training tee...唔知點解, 就係想買來收藏。呢件都係得保方幫手搵佢番來。
呢件2008祖記training tee, 係官網大清貨, 剛剛買入嘅。呢件tee質地好滑, 著上身應該好爽喎! 
最新球季 (2008-09)祖記嘅Tee, 好sharp嘅黃色, 太正。 雖然在官網買計埋運費有少少貴, 不過唔知點解好想即刻擁有, 所以都係義無反顧 ~~ 買了。
一tick嘅出品 ~ 新鮮熱辣昨日先喺旺角買嘅。 原本我地一行四人 (全祖記粉絲), 行街買生日禮物比另一個friend (都係祖記粉絲), 在一間一tick舖內, 比其中一個friend發現呢件咁靚嘅祖記新款tee。前面設計ok, 後面先係最正! 後面係寫住:
"Ole, Ole, Ole,
Juve, Juve,
la Vecchia Signora,
Juventus,
Nxxe Football"
跟著.....我地在呢間舖每人掃左一件, 總共5件。哈哈哈!
買呢個意大利足球真係無la la....話說前兩日(星期五)lunch時有d野做, 要落灣仔, 做完野行過一間舖頭, 見到好多意大利國旗同食物, 就走入去睇野。買左幾盒餅後, 無意中見到佢地有呢個波做裝飾, 就問佢賣唔賣, 賣幾多錢。之後又見到有個意大利電話繩, 又買埋, 最顛係見佢地有咁多意大利國旗, 問佢可唔可以送支比我!!
我實情唔多明呢個球上面何解寫住 "68-08 Azzurri".....點解係68-08呢? 有冇人可以指點下我迷津呢??
No comments:
Post a Comment