就黎忙死!!

呢排, 就黎忙死....但諷刺嘅係, 我唔係忙正職, 係忙副業!!

經常聽人講, 香港讀書嘅小朋友好慘, 好多功課要做, 又要補習, 又要參加好多課外活動之類。今日, 我唔單止好明白, 仲好 "感同身受"。

真係俗D都要講句, 痴孖根!!!!  我補習個小朋友, 只係小一, 真係誇張得要命, 佢今星期考試, 自上星期起, 佢阿媽想我 (= 要我??) 每次補耐D (由一個鐘變個半鐘), 星期二, 四各補1.5鐘頭, 星期六補左2個鐘, 星期日又補左1.5鐘; 之後, 繼續連踩..... 攪埋今日, 我地終於可以有D好曰子過!  我地 ~ 個細路 + 我也!!!

我諗個細路個阿媽一定認定我係鐵人!  佢唔知知唔如道我有正職ga大佬!!!  我應承得做補習, 好有義務要細路做得比以前好, 但係.....佢好似將個仔嘅 "終身幸福" 交晒比我咁, 佢自己唔駛理!!!  原來, 佢當初想我日日補添!!!  (咁我要比埋條命佢都似)

因為我實在太倦, 加上明日 (星期三)都考完試囉, 唔會好多家課啫, 大家都好應該休息下, 同埋我要比個訊息阿媽媽, 我要休息, 我要學下拒絕.... 所以我話星期四我想除消一次補習。 

細路嘅阿媽 "chur" 得太勁, 小一咋!!!  佢個仔呢幾日已經要考試, 但點解仲在我補習前去左游水堂????????? 係咪應該俾細路抖下呢??  阿細路間學校係名校, 平時D功課又多又深, 每星期又要默中英文, 仲參加90萬樣活動, 遲早精神衰弱!! 

我嚴重考慮係咪應該繼續補落去..... 但我想有始有終, 半個學期劈炮當然得, 但佢家人又幾好人, 我唔想半路要人頻撲揾個一個新補習老師.....最大問題係, 呢個補習係一個好朋友介紹, 佢識呢家人...... 但我心同身都好難頂。

煩死...........