意大利黑手黨 ~ 之二: 憤怒!!

今朝早, 當我開着個blog睇完一輪後, 然後就去各位blog友嘅版到看看, 卻無意中被我發現一件令我非常憤怒嘅事。

事緣昨晚我寫左一篇關於黑手黨嘅文章, 竟然今朝被我無意中發現, 一位blog友嘅一篇文章中, 差不多將我某一段文字, 搬字過紙, 直加入到佢文章裡面。簡直豈有此理!!! 

本來寫blog只為分享一下個人感想, 交流心得、意見, 傾下計; 但此君竟然將別人嘅思想同文字, 當作自己ideas一樣登出來, 離鬼晒譜。 最佩服係, 佢竟然仲可以咁快手, 我寫完篇文後幾個鐘頭, 佢已經將段文copy到自己篇文度, 而標題係乜鬼 "意大利有毒芝士"之類。

呢位blog友, 我之前都有間中睇下佢嘅文章, 只因為欣賞佢寫過不少幾好睇嘅文章。但我依家諗番, 佢之前D文章, 都唔知有幾多係抄人GA!!

之前曾經聽過有blog友話, 有專抄人地文章嘅blog友; 估唔到今日, 呢件事竟然發生在本人身上。估唔到真係有D咁嘅人。 何解呢D人要做埋D咁嘅事情??

所以, 以後寫某D文, 真係要lock鬼住佢, 淨係比D friends睇算數。