恭喜樸次茅夫入FA Cup決賽!!

好開心, Portsmouth入左FA Cup決賽, 恭喜恭喜!  其實我都唔係成日睇英超比賽, 亦都冇最喜愛英超球隊 (捧意甲已經好唔得閒!), 不過對Portsmouth有感情, 所以一定支持佢地。

昨晚因為屋企人要一齊出街食飯, 所以睇唔倒FA Cup嘅Portsmouth對西布朗嘅直播, 返到家check result, 好彩, 贏1:0, 事隔69年後再入到決賽, 好野!

星期三個班意文班一個英國同學, 都係來自Portsmouth喎, 佢之前話, 如果Portsmouth入到決賽, 佢會閃返UK睇比賽。因為佢有一班friends住喺London, 又有人係Portsmouth球會members, 可能可以班到多張飛比佢。下星期問下佢係咪真係返去睇波先! 

可惜, 5月17日場決賽, 我又一次睇唔倒直播支持Pompey, 事關當日本人不在香港...希望佢地捧到今年冠軍啦, "where"多d榮譽兼銀兩起個一個新球場嘛!