呢兩日最開心嘅事情, 就係知道祖雲達斯落實在今球季結束後, 來HK踢表演賽!! 實在好興奮, 依家都仍然好開心!!
自從2005年6月祖記首次來HK後, 成日都想真正有機會去都靈睇一場佢地主場賽事。終於舊年有機會第一次去都靈, 去到祖記主場 ~ 奧林匹克球場睇波捧場。有唔少朋友問我點解唔等佢地升番上甲組先去睇。我覺得唔需要, 唔通佢地喺甲組我就睇, 降落去乙組就唔支持?? 就係佢地降左落乙組先要更加支持佢地嘛!
去過一次都靈後, 我心癮好大, 好想又返去....於是乎, 我又買左機票, 今個月尾, 再度出發, 去意大利玩! 今次仲會留喺都靈一個星期!! 如冇意外, 我將會睇尾二個場, 主場對拉素 (4月27日)嘅賽事。 好緊張呀, 唔知係咪會好多人睇呢?? 希望當日天公造美, 同埋一切順順利利啦!!!
好開心, 就快又再見到呢d美麗景色喇!!!
除左睇波, 我留喺都靈一星期期間, 會喺一間學校讀一個禮拜書 (雖然時間太少, 不過冇辦法啦), 仲會住喺一家都靈人屋企, 好野, 睇下d都靈人生活係點ge先 (唔知係咪又係食d爛鬼餅乾做早餐??, 救命)!!! 唔知佢地係咪都係祖記球迷呢?? 哈哈哈!! 
最驚訝嘅係, 今日學校email左嗰一家人嘅地址比我, 我發現一樣震驚嘅事情, 佢地住喺祖記個總部附近!! 嘩嘩嘩, 咁我咪可以日日行過祖記總部個門口囉?? 發達呀!! 我咪日日行入去, 搏佢比我影下相, 然後睇睇佢地又有冇贈品或者posters可以送比我? (發下夢先)... 唔知會唔會見到有球員行入去呢?????
祖記總部 ~ 個唔起眼嘅大門口!!
估唔到祖記咁快又來HK (仲好可能full team來港添!!), 當然開心到飛起啦....今年有機會睇佢地一場主場, 一場作客呀 (仲要黎到香港咁遠作客添)!!! 返到黎, 過幾日, 又可以睇佢地踢!! 絕對意料之外，開心都黎唔切!!
No comments:
Post a Comment