今日聽到甘泉航空要申請清盤, 覺得好可惜。難得香港能夠建立一間budget airline, 但因為種種因素, 蝕大本 (據講開業16個月已蝕左10億), 令到依家要申請清盤。
佢地現正尋求買主, 希望佢地可以快脆搵到新買家, 可以繼續營辦落去。能夠使我地呢亭冇錢但又鐘意周街"lan"嘅人可以繼續用便宜多d嘅價錢去下外地旅遊見識。
我上年5月時, 就係坐甘泉由HK飛去London, 再轉英航過都靈的。當時呢間航空公司開左只有幾個月, 我都真係胆搏胆, 好驚佢地航班delay, 因為如果咁就會嚴重影響我跟著嘅行情, 但係為左慳d駛, 無計....好彩當日只delayed一個鐘左右。我當日張單程 HK--> London只係1千大洋 (不過加埋tax + 燃料附加費就成為$1,900), 都仍然比普通航空公司嘅機票便宜一大截。
間航空公司嘅服務幾好, d空中服務員好好服務, 餐飲正路野。 最大好處係降落Gatwick機場, 再駁機去都靈方便一些。(註: 舊年發現, 去都靈嘅飛機好多都係要由Gatwick起飛。)
唔知有冇國際性航空公司會收購甘泉呢? 若然係Ryan Air, 怎至係Air One咁就正囉!! 第二時咪有便宜一d嘅飛機票可以飛去意大利或其他歐洲國家??!! 發下夢先啦.....
No comments:
Post a Comment