意甲: 祖雲達斯對帕爾馬 ~ 3:0

雖然捱得辛苦, 但又唔想miss賽事, 所以都係夜晚起身睇啦! 

贏3:0太好喇, 又向前邁進一步, 繼續之後五場比賽每場都贏晒返來!!

今場比賽, 對我來講, 最開心有兩件事: 第一係Palladino正選上陣, 入左球超靚嘅波, 簡直可以發下"yuen"屈氣!  成季大部份時間發緊mo, 不但正選上陣少之又少, 有時連後備都冇, 其實作為一個球員都幾灰心, 所以可以理解點解Palla入球時看來好似唔係好興奮, 似係發緊惡多d, show quali比想賣/借佢出去嘅祖記管理層人士睇。

我個人意見, 根本雲尼亞里同管理層極之保守, 來來去去都係隊長加查仔喺前面, 唔夠抵時, 就嘔晒所有人出黎 (所以成日都係伊亞昆達同Palla後備)。大佬, 咁攪法, 真係唔係路。 唔知伊亞昆達又有乜感想? 

第二開心事當然就係馬基安尼後備入替 (不過替代Palla), 當時睇到場邊企左個32號波衫嘅哥仔時, 我即刻彈左起身, 走前去個TV度看清楚, 太好喇, 等左佢幾鬼死咁耐先復出, 今次仲係佢首次倒戈相向添 (因為佢2006季尾後加入祖記時, 祖記要降落乙組, 而升番上來後冇耐就傷左冇得踢)!!!  我都唔會認為一出就正選啦, 都要時間踢起番ga, 所以後備入替都好正路。佢80分鐘入替時, 咁啱場邊所有廣告牌第三度全部打出簡體中文字, 甚麼 "成為球會的正式會員"之類啦, 哈哈, 恭賀下佢再度復出???!  (係我恭賀佢先真!!!)  可惜未到90分鐘, 球證竟然就吹雞完場, 衰得佢, 想睇多兩眼Marchio都唔得, 要等下場添....

有開心有失落, 今晚睇到網上消息話祖記想用Marchio作為換巴勒莫嘅阿瑪利嘅籌碼之一, 心情即刻跌落谷底.....真係發瘟...希望唔係真啦, 我係祖記"番士", 我唔想做反骨仔呀, 當然唔得支持儍豹啦。

 

Palla, 好野!!!  靚絕嘅入球!!!    

 

比Tiago咁好彩, 入黎冇耐就要對方"公"獻一個老烏!!

 

查實佢真被打低定假ga?  我唔多信呢位哥仔, 因為佢成日扮野, 唔做戲好 "side"!!! 

 

隊長呢場勤力有餘, 可惜表現麻麻。

 

今場保方好似好得閒下喎!!