厲害! 場波又係贏得有d驚險 (80分鐘先可以再度領先), 而且開大添, 不過好開心,
祖雲達斯連環擊敗米蘭雙雄!
今場波先由隊長喺12分鐘入左1球, 但係一個轉頭, 就比AC米蘭嘅恩沙基連下兩城 (14同31分鐘)。 恩沙基真係好鬼勁, 成隻老鼠咁, 週圍 "娟"搵chance, 雖則係越位王, 但一旦比佢搵到chance, 佢嘅入球率真係好鬼高。AC今場上半場嘅組織幾好下, 好多時間都係佢地攻為主, 攪到唔知的話, 以為祖記踢梗作客。 好彩臨完半場比沙歷咸美斯追和2:2。
下半場開始左只有6分鐘, 歷高達利都係頂唔順, 要換出。咁都好, 無謂死頂落去 (希望佢冇乜大礙, 因為我希望月尾祖記主場對拉素賽事, 可以喺球場睇到佢同馬基安尼有得踢呀)。
施素高比邦利拿咁樣踢傷, 好慘。好彩見到佢再入番場, 看似冇乜事。邦利拿抵攞紅啦, 咁踢人法, 隨時踢跛人!!
全場最估唔到係竟然沙歷咸美斯梅開二度!!! 冇AC人諗到竟然由身材唔高大嘅沙歷咸美斯頭 "除"頂入, 全部AC人走甩佢, 太好喇!!! 
祖記黎緊仲剩翻三場主場 (帕爾瑪, 拉素和卡坦尼亞)賽事, 要繼續努力, 每場都一定要全取3分呀!!!
有趣嘅係: 場邊廣告牌曾經兩次見到出現中文字 (唔知啱唔啱, 印象中好似第一次見到中文字出現在祖記主場廣告牌), 唔知大家有冇留意得到呢?? 第一次時, 大約係球賽開始左10幾分鐘, 角球位打出類似: 成為網頁的會員的字; 第二次時, 係下半場, AC龍門後面大廣告牌, 但竟然打出好可怕、唔啱嘅中文, 類似係: 訪問我們的網頁 !! 我估佢係想話 "Visit our website"。攪鬼錯, 咁重要, 咁多人睇嘅廣告牌, 點可以寫錯ga??!! 佢地唔係就咁喺d網上字典度查下就直抄出黎卦??? 唔識不如問下我地d中國人球迷啦!!!
鋼門咁緊張, 緊係慶祝自已隊友又有進仗喇!!
甘仔繼續當fit!!
隊長又入一球喇, 恭喜恭喜!!!
估唔到沙歷咸美斯今場咁厲害!!! 好野!!!
冇乜料到嘅泰亞高....下場可唔可以入馬基安尼呀, 唔該 (雖則位置唔一樣, 我個人願望啫)??!!
史坦達頓後備入替有些少傷嘅歷高達利, 一樣咁高大, 效果幾好喎!!
祖記, 繼續努力, 繼續每場全取三分!!!
No comments:
Post a Comment