近日迷上左睇 BBC Knowlege 嘅一個節目, 係由Simon Reeve做主持嘅一個叫 "Places that don't exist" 嘅時事節目。我開始睇 Simon Reeve 嘅節目, 係源於之前在 Cable TV 睇佢另一個叫 "Explore"嘅時事節目。
相比起BBC呢種國際性嘅電視台, 香港嘅好多電視台 (尤其係那些免費嘅) 所製作嘅節目, 質數真係差好遠。
幾日前睇完其中一輯 - 講一個叫Somaliland嘅國家。原來呢個世界有唔少國家, 存在但就不被承認, 呢種國家同佢地嘅人民, 唔知點樣出國呢? 睇怕佢地都幾難有機會出國, 因為不被國際承認, 揸住 passport都冇人認可, 國家嘅貨幣邊值錢呢? 點做貿易呀? 點生存點搵食呢?
在呢種國家生活嘅人, 真係唔知係好定慘 - 好係有自己嘅國家, 慘嘅係有國家差不多等於冇國家。
丫，阿TA~~我都好有興趣睇下添，係唔係係BBC個網都有得睇返架﹖
ReplyDelete[版主回覆02/10/2011 18:34:00]力高, 上youtube睇到晒架!! 我明明 upload左那幾集上呢篇文章, 但Yblog唔知攪乜鬼, 出唔到出來呀!! 你要唔要那幾個videos? 我前幾日都upload左去我facebook的...不如我在facebook send個email比你吖? Do you want it?
嘩，我靜雞雞係公司睇左PART 1呀，真係多謝你既推介呢，真係好吸引，好想一路追埋落去究竟係點樣架！ 不被國際認可既國家既人民真係唔知好定唔好，但在於我真係覺得唔好喇，唔可以出國，即係冇機會去其他地方旅行，困住自己係一個地方，一D國際既消息都唔知道！ 哈哈，雖然唔係完全明晒D英文對話，不過當係練習下英文LISTENING都是好事，多謝你既推介啊阿TA~~
ReplyDelete[版主回覆02/25/2011 20:46:00]力高, 唔駛客氣, 大家分享下知識, 嘻嘻嘻。我都係咁話, 生活在呢D不被認可嘅國家, 乜都做唔到, 連想去出面嘅世界見識下都冇得, 又唔知究竟可以做乜改善生活質素, 真係慘。