雖則唔會有人記得我未寫完呢個遊記
實情Braga唔係我上次葡萄牙之旅嘅最後一站。唔知有幾多人識 Braga 呢個地方? 但如果有睇足球 & 跟開足球消息的話, 應該對呢個名有印象, 是關上季 (2009-10) 嘅葡萄牙超級足球聯賽, 布拉加市嘅球隊, 獲得聯賽冠軍!
今次我唔準備長篇大論談Braga呢個地方
Braga位在葡萄牙北面, 當日我係從北部大城市 Porto, 坐 coach (大約2個鐘頭, 班次都算幾密), 過去 Braga一日遊的。回想過來, 如果住番一晚會好好多, 因為 Braga個市好靚好多好野睇, 我低估左佢嘅實力呢
Braga有間充滿情調、裝修華麗、歷史悠久嘅 Cafe Brasileira。我光顧當日, Cafe坐滿當地人, 得我一個亞洲人, 所以成日被其他人眼望望。
而去 Braga 嘅最大目的, 就係參觀呢個絕靚建築 -- Bom Jesus do Monte (耶穌山)。關於呢個建築嘅資料, 上網都好容易找到, 所以不在此詳細介紹了。
轉眼間, 終於完成了呢個葡萄牙之旅嘅遊記。但突然間我又有D唔捨得添....
若然各位下次想到歐洲旅行, 我會高度推介大家去葡萄牙。當人人都一鍋蜂去最熱門嘅法國、意大利、西班牙時, 別忘記, 葡萄牙都是一個拉丁語系國家, 同樣擁有豐富的人民歷史, 各地都充滿色彩、充滿風情。
不久將來, 再見葡萄牙啦!!!!
下一站 -----> 等著起程呀!! 嘻嘻嘻!!
我剛剛去完西葡呀。可惜去 Bom Jesus do Monte 果日陰天，影得唔係好靚呢。
ReplyDelete[版主回覆02/23/2011 18:50:00]噢, 咁正剛剛去完西葡? 你去左幾多日葡萄牙呢? 去左邊幾個城市呀?
我都等住再去西葡!!!
ReplyDelete[版主回覆02/23/2011 18:53:00]Iris咁你有冇計劃幾時出發呢? 下次你可以專攻葡萄牙南部 (Algarve)喎, 因為我記得你好似話上次只係去左 Lisbon, Porto & Aveiro!
暫時冇旅遊計劃呀. 我都係比較即興, 邊度機票價錢ok, 有假期, 就可以諗
ReplyDelete[版主回覆02/25/2011 20:26:00]噢, 原來你鐘意玩即興, 哈哈!!
我有點想去冰島><
ReplyDelete但暫時我呢加最想去ga就係 日本~北海渡 ^^
[版主回覆02/25/2011 20:59:00]哈哈, 我之前都想過去冰島, 尤其是當冰島破產之時, 因為D野平左好多! 但去冰島比較 "liu" "lung", 我諗要在 UK再轉機, 有點複雜。你想去北海島, 好呀, 但依家日 Yen真係好貴呀.....唉。
well done!!!!
ReplyDelete冇爛尾..........好細個個時去過一次,印象唔係好深,多謝你帶我睇多一次^_^
我都要比心機...... ai.....
[版主回覆03/02/2011 18:14:00]多謝多謝, 你都比心機完成埋你啱意大利遊記, 我有睇架!!
終於都等到你再寫葡萄牙了! 你係行上去，還是坐小型覽車上耶穌山? 這裡的建築令我留下很深的印象。
ReplyDelete[版主回覆03/05/2011 21:46:00]哈哈, 我之前太懶嘛... 我係坐小火車上山, 然後行番落下面的。之前我在 Braga city center嘅 Travel Information Center問一位職員點搭巴士時, 佢提議我咁做, 佢話咁樣就冇咁辛苦。咁你呢? 你上山坐火車仔嗎?
我都係坐小型火車上去! 我地好白痴, 落左車周圍影相，miss左班火車，要等下一班巴士來才開火車，不過，就有機會坐最前排。
ReplyDelete[版主回覆03/05/2011 22:28:00]佢地D火車仔係跟巴士時間開車, 所以真係有少少麻煩, 因為D巴士班次幾疏, 當日我落番山之後, 啱啱過左一班巴士出番市中心, 所以足足等左半個鐘下班先到呀。
你都好吖, 我去時係冬天, 遊人比較少, 相當清靜, 但就好彩天氣幾好, 到達時雖是陰天, 但上到山上, 行下影下相之後, 開始出太陽, 仲有藍天白雲一段時間, 所以都算係咁。但我在Porto就慘, 狂落大雨又大風......