意甲 Week 27 ~ 激烈大戰!!

好似已經好耐冇講意甲嘅野.... 今個週末, 繼續有我最喜歡嘅 ~ 祖雲達斯, 同埋Palla!  好開心, 因為佢地分別有大戰, 所以電視有直播!!!  正!!! 

兩場大戰都係禮拜六凌晨上演...

 

星期六凌晨 1:00am   Cable 61, 64

   VS    

 

熱拿亞主場惡鬥國米, 當然支持熱拿亞啦!!   唔知Palla有冇正選呢? 上一場佢地作客錫耶納, Palla只係後備咋, 如果我捱眼瞓睇直播, 領隊加斯柏連尼可唔可以放佢做正選呀唔該???   聯賽榜第5 (熱拿亞), 快D打敗國米, 然後費倫輸波, 咁熱拿亞就可以升番上第4! 

 

星期六凌晨 3:30am   NOW 633

     VS   

 

又係禮拜六晚喎...如果我兩場都睇, 我諗我成晚唔駛瞓都似!  都靈市打吡大戰, 緊係全力支持祖記, 今場隊長 & 保方應該出, 唔知邊個會拍隊長呢?  我個人就想係查斯古特..... 無論如何, Forza Juve!! 

 

PALLA, 你快鬼D攞番幾個入球啦, 成鬼日淨係助攻, 咁攪點返祖記呀!    

且看呢兩場比賽鹿死誰手!!!