今季嘅祖記球衣, 本來我只想買件作客, 因為金色好靚好型, 而件主場冇乜特別, 所以未有諗住買。
不過最後, 都係忍唔住買埋件主場衫...反而我尋尋覓覓, 都仲未搵到件熱拿亞嘅主場同作客球衣, 就算搵到, 都只得大米嘅字; 大米我就冇興趣喇....
呢件作客好靚好型, 金色係今年勁hit, 祖記都領導潮流, 好野! 
最後......事鬼但但啦, 基亞連尼啦! 橫掂從來未印過佢, 就作出第一次啦!
下面件主場, 係意外之選.... 買作客唔買主場好似唔完美, 呢個真係買野嘅籍口。 因為舖頭之前有主場落場版, 所以在嚴重手痕之下買左佢, 適逢隊長當時在歐聯分組賽表現超級犀利, 就印左佢名 & 號碼喇。下次, 真係要轉下人, 儲晒成隊嘅球衣都幾好bor!
No comments:
Post a Comment