Part 7 - 靚仔祖記職員Edwin!!

(...後加左一張Edwin著西裝嘅相)

其實我講咁耐, 都仲未講Palla, 因為諗住戲肉在最後嘛....但Yuen昨晚叫我影靚仔職員Edwin在今期祖記月刊的相比佢睇 (因為今期其中一個主題係介紹一眾祖記總部嘅職員)。 咁我諗, 不如將Edwin變成我地今次談論之一啦 (橫掂佢都已經在我地之間出晒名啦)!! 

門神兄當日唔講都唔覺, Edwin又真係好鬼似沙比亞郎素喎 (有消息祖記現想傾佢過檔...如果成事, 到時祖記豈不是有真版同翻版Xabi??!!)  第一日見到佢, 已經覺得佢幾靚仔, 加上亞Yuen不斷大讚佢, 哈哈哈!  Edwin第一日時攞住一大堆 07-08球季嘅球員合照posters出黎酒店外派比我地，我起初以為佢唔識英文, 就用本人最有限嘅意文同佢亂講一通。不過後來發現, chaaaa, 佢操流利英文喎!

我地第一日問佢, 個簽名會係咪所有球員都出現, 佢話係, 咁我地就好興奮舉起手咁做個 "YEAH"嘅手勢, 點知好攪笑, 佢又跟我地一齊 'YEAH"!  佢又真係幾有趣喎!! 

我最記得佢曾經用意大利文問我第二日係咪會去個簽名會 "ci vediamo domani?" (=will we see tomorrow?), 我話會, 佢就話 "si, ci vediamo domani." d職員其實會唔會驚冇會員出席呢?  你知啦, 冇會員浦頭到時肯定好樣衰啦!!!

簽名會當日, 除左班球員受歡迎外, 呢位Edwin亦極之受歡迎, 我估我地所有人都同左佢影相。我攞左今期本祖記月刊出來話見到佢接受訪問, 佢都有d驚訝, 可能佢估唔到有人竟然在香港會訂呢本全意大利文版嘅祖記官方月刊 (其實當時其他職員見到都有d驚訝, 亦因為咁, 有位官方月刊嘅記者話想訪問一下我 (唔知個訪問係咪真係遲d會出呢, 有的話, 到時通知大家。)  唔知個記者可唔可以同時訪問埋Palla呢?  提下我個名就已經發達ga喇!  發下夢先....  之後, 我仲攞左d相出來, 嗰幾張相其實係我在都靈睇祖記對拉素場波前, 佢同馬基安尼等人著西裝在草地上傾計, 我影馬基安尼時將佢都影埋一份!  我仲有d videos添呀!  佢見到d相就真係嚇左一跳喇, 哈哈哈!!!

另外一提係, 當我同Edwin合照時, 祖記個攝影師無情情又影埋我地一份!!  佢影黎做乜?  又登在祖記月刊??  唔係掛?  等二時我喺都靈行街, 會唔會有人搵我簽名ga??!!  哈哈哈, 講笑啫!! 

認識左呢位祖記職員, 絕對係意想之外。祖記唔只多靚仔球員, 仲有咁正嘅職員嘅??  祖記請唔請人呀?  我想去打份工喎?  日日見住d靚球員、靚職員, 心情應該長期維持在興奮狀態, 而條命仔亦應該會長d!!!!  哈哈哈!!! 

 

今期月刊關於祖記職員嘅專輯, 你搵唔搵倒今次有來香港嘅職員呢?  我見到Daniela同Selina添!

 

竟然有個column係介紹Edwin!! 

 

影個close-up比大家睇睇!!!  另外, 我搵左Edwin在我本祖記月刊上簽左名, 個名簽得好靚喎!!!

Edwin係第一位在祖雲達斯工作嘅非意大利人, 佢係荷蘭人, 來自一個叫做 't Harde的荷蘭地方, 距離阿母斯特丹一小時車程，佢之前在意大利Vicenza讀master的, 好勁喎。原來佢想在球會工作, 所以sent晒信去所有球會求職!! 某日, 佢收到一個字頭 011嘅電話號碼, 但佢唔知係來自都靈, 仲以為電話係來自熱那亞!  佢依家在球會最主要負責球隊一隊 (la prima squadra)同青年軍 (giovanile)的logistics工作....唔怪得球員出出入入都關佢事啦!!

 

仲有兩張有Edwin嘅相。

 

今晚再加左張Edwin著西裝嘅相, 其實唔係咁想放出黎, 因為隔離有件乞人憎嘅馬基安尼。