今日(2008年5月27日)明報有篇文章係講Palla的, 嗰位記者唔知係咪就係嗰日場比賽完結後行埋黎問左阿Yuen感想嗰位呢?? 佢在文章內大讚Palla喎...
******** 以下文章來自明報 ****************
| 祖記球星親切 柏拿甸奴率真 | 2008年5月27日 |
【明報專訊】祖雲達斯與曼城上周旋風式訪港，儘管兩軍未有派遣最強陣容應戰，風頭遠遜去年訪港引起追星熱潮的利物浦和巴塞隆拿，但阿妹仍「嚴陣以待」。貴為意甲聯賽奪標最多的祖雲達斯，幾乎每個球員俱親切有禮，尤其是經常笑容滿面的前鋒新星柏拿甸奴，猶如「大細路」般對本報愛不釋手，令阿妹留下深刻印象。
每逢外隊訪港，阿妹和一班體記行家皆會忙翻天，除要串演狗仔隊留意球員行蹤，亦須爭取機會訪問。這次祖雲達斯酒店和球場保安都不及以往嚴密，讓阿妹可出乎意料的輕易找到主辦單位和祖雲達斯的新聞官，即使最初他們多番推搪，但當柏拿甸奴看到本報刊登他於練習時的「插花」絕技後，立即興奮得手舞足蹈，並把該篇報道拿去與新聞官研究，二話不說便接受了阿妹訪問。
看「插花」報道手舞足蹈
阿妹曾修讀意大利文，只是疏於練習，訪問柏拿甸奴時辭不達意，幸而不諳英語的「Palla」體貼非常，沒有嫌棄阿妹的意大利文「水皮」，特別放慢語速，甚至時加手語輔助，令10分鐘的訪問笑聲不絕。最後當阿妹送上本報報道給他留念時，這個大男孩帶陽光笑容連說3次Thank you，讓阿妹感到無比溫暖。
阿妹衷心希望，假如Palla有朝一日名成利就，依然會保持今日的親切與率真。
體壇大世界，
文：體記阿妹逢周二見報
hihi你好~~ 冇錯我就係上個禮拜曾經問過你同你朋友賽後感想的小記 我還拍到了你們和palla的"合照"呢~~ palla真的很nice很可愛,話說原本juve channel的staff曾經同我講比賽當日會有記者會,話如果我想訪問可以試下入去搵球員,但當日我去到lobby只係見到幾個staff,跟住不斷煩之前一日曾經打過招呼的新聞官和主辦單位ceo,但佢地都唔多show我,好彩後尾見到palla,佢見到份報紙後好開心,我問佢可唔可以做個訪問,佢即刻話"si si" 不過比較可惜既係之前一日我要晨早7點去接祖記機+趕稿, 跟本冇時間好好prepare, 問palla的問題都只係搭車出發時寫低, 而且太耐冇講意大利文,有時話到咀邊都唔知點講好, 令到篇訪問唔可以做得更好~ 但好彩palla真係好好人,好有耐性聽我d咁難聽既意大利文,答野又唔行貨,等我可以交到功課 之前一日我亦"有幸"訪問"巨星"韋利, 他與palla真係差天共地, 全程慘被黑面對待,而且同佢講野佢係唔會望住你的...so笑容可掬的palla真係令到人好warm!而且我絕對相信palla唔係因為未紅先咁nice,想當年我愛隊米蘭來香港,當時還是二打六的波里路已經非常寸咀,(早幾年祖記來香港,我同事都有訪問過迪比亞路,佢都對迪比的風度同友善讚口不絕) 雖然我捧的是米蘭,但如果palla下季繼續留在祖記,我都會0係歐聯支持祖記, 得閒都來我個blog睇下丫~雖然寫的全是恩沙基,但大家皆是意大利足球愛好者,在香港"知音"難尋啊(不瞞你說,我老細同大部份同事都係英超擁躉,所以今次祖記來佢地都冇乜點理.......)
ReplyDeletePALLA呢張相勁型仔呀! 簡直就係型英帥靚正!!
ReplyDelete[版主回覆05/29/2008 22:42:00]冇錯, 型英帥靚正, 實在係 "something irrisistable!!"
柏拿甸奴越嚟越有大將之風!!
ReplyDelete[版主回覆05/29/2008 22:41:00]直情型到爆!
Koyuki, 多謝晒你寫左咁大篇文章, 話番比我地聽當日情況呀!
ReplyDelete我都認為Palla真人本身就係咁nice, 唔係紅與未紅嘅問題。隊長咁紅, 但佢3年前來香港都nice都飛起, 呢d就係人品嘅問題。
知道Palla咁鐘意阿Yuen同我送比佢嘅奧運福娃毛公仔, 實在太開心, 其實當我地比份禮物佢嘅時候, 佢好似好震驚咁 (唔通冇球迷曾經送過野比佢?), 又看左一輪添! 希望佢在祖記有極優秀發展!!
真替你可惜, 恩沙基落選左歐洲國家杯意國大軍, 其實之前隊長廸比亞路情況都唔樂觀, 不過群眾力量強大, 加上今季隊長表現持續強勁, 又做埋神射手添, 冇乜理由唔入選啦, 而鄧納東尼都要接受。
大家多多交流呀!!
anita, 其實0係我未接觸palla之前,原本都以為佢係寸底架,因為佢舊年入選國家隊時有傳媒訪問過佢,有少少暗串迪比亞路過氣之類 不過接觸過後,應該係因為佢講野太直太真,先至令傳媒有機可乘扭曲佢既說話 palla真係一個大細路來呢,我都冇諗過佢見到自己上報時會興奮成咁(斷估佢0係意大利都成日有傳媒搵佢訪問至係架....),佢玩福娃時睇得出佢好珍惜fans送比佢既禮物呢~~同埋由落機一刻到我最後見佢果陣(上郵輪曝曬做人肉佈景版),佢都係全程笑容滿面,真係就算果幾日做野做到幾累,見到佢既sunny smile都即刻醒神哂~~而且唔單止對南華果場踢得落力,練波時佢都好勤力好enjoy,睇得出佢係好有heart踢波的,so我都好希望佢下季可以0係祖記踢番爭氣波! 3年前我同事幾經辛苦搵到迪比做專訪,不過可惜當時我未入行,聽番佢地同其他行家講,都話迪比係近年來香港最nice既球星!反而尼維特就有少少架子 睇番你地d blog,又冇諗過馬基安尼同歷高達利都咁衰喎(雖然我0係lobby等palla時見無聊都走左去搵歷高達利影相,條友仔竟然話影一張要收25歐元,佢係咪當左自己係泰國人妖....),不過點衰都一定唔夠"巨星"韋利衰架喇, 我而家真係好憎佢!有時諗如果恩沙基好似佢咁衰,我一定會hurt死!
ReplyDelete张相已经电s人啦~~ 这次无去 希望下次他们来我去到啦~
ReplyDelete[版主回覆06/02/2008 22:30:00]你下次一定要來呀!!!