Part 6 - 馬基安尼惡行!!!

今次祖記來香港, 本來我最興奮係可以見到馬基安尼 (其次係Palladino)，因為上個月在都靈, 冇機會近距離見到馬基安尼, 只係在對拉素場波時, 在開賽前好早時段, 在球場見到佢著住西裝同Nocerino, 比連度利同靚仔Edwin在傾計; 之後就在比賽前練波比在場觀眾睇。

最大嘅希望, 變成最大嘅失望....原來真正嘅Marchionni係咁嘅人, 我竟然由鐘意佢, 變成討厭佢同數衰佢 (我都好無奈....)。可能佢之前收到風，球會將會買入一位中場球員，所以今次香港旅程黑晒口面 (但唔關我地球迷事喎, 大佬!!)。

起初第一日(5/21)見到佢, 佢看來都ok, 同我影相都笑, 而且當我送一份禮物比佢時, 佢竟然禮貌地錫左我左右面各一下，攪到我鬼死咁開心 (當時Palla在我地隔離望到, 睇到定左鏡!)。當夜d時我再搵馬基安尼影相, 佢竟然講左句 "ancora?" (=again??)!!! 頂, 球迷鐘意個球員, 搵佢影幾次相, 有乜咁奇呀, 好明顯佢開始心情不佳, 當時我幾驚佢以為我係瘋狂球迷，我都驚嚇親佢, 所以之後已經唔敢再搵佢或行去佢附近。

但第二日(5/22)開始事有變化 (可能因為佢已經知道球會簽左個中場番黎, 同埋佢可能在祖記地位不保), 佢開始黑面喇。我唔知有乜得罰佢囉, 祖記會員簽名會度, Juventus Channel捉住佢同我一齊做訪問，佢竟然拒絕而掉轉頭走, 佢走東, 我當然走西啦, 我係fan啫, 但都有尊嚴ga, 你估你係球星大晒, 冇我地支持, 你都隨時早抖啦。同埋唔係我話訪問佢, 係官方電視台搵我訪問佢, 雖然我好榮幸, 但就一d都唔高興囉, 因為竟然比我最喜愛嘅球員咁對待, 當時真係好hurt同好激氣。雖然後來d工作人員搵番佢返來作訪問, 又辯稱佢平時唔係咁嘅, 但冇用呀, 佢在我心中印象已被徹底破壞。佢做訪問時非常fu hin, 又黑面, 簡直用不知所謂來形容。個所謂訪問不足一分鐘，仲好無聊添, 我希望Juventus Channel永遠唔會播出個片段，費是比我在意大利嘅朋友見到, 我實在好樣衰呀, 樣衰到爆呀救命。

最攞命係第三日 (5/23), 亦係祖記離開香港, 往上海嗰朝早, d球迷在酒店外歡送球員離開。呢位球員, 連同Palla, Moli同Vecchione (竟然同3位好人企埋一齊!!), 一齊走出外面同架Fiat 500影相賣廣告, 佢笑晒口, 假到嘔!!!  唔知當時佢聽唔聽到Palla好大聲同我打招呼呢 (Ciao, Anita!!).... 我非常希望佢聽到，等佢知道我同Palla竟然係認識的, 同埋我唔係瘋狂女球迷, 我唔係顛ga!!!同埋, 馬基安尼, 我已經唔會再喜歡你, 而且我已經c爛晒所有你嘅相, 仲有我同你嘅所有合照喇 (除左你一張簽左名嘅相之外)!!!  我恩怨分明, 唔會留d多餘野在身邊side位ga!!!

仲有一樣恐怖野, 當球迷 (本人除外), 在酒店玻璃窗外影入酒店, 因為當時所有球員同職員在discussion, 呢個馬基安尼, 竟然自已企開, 戴著黑超, 聽住ipod, 好似個discussion冇自已份咁。然後....當見到球迷影相時, 佢竟然背向玻璃, 仲以身體遮著某些球員, 等d球迷影得唔清楚!  佢係咪有病呀?  邊個想影你啫?? 

其實佢之前係面向窗的, 唔知係咪見到我經過, 竟然之後掉轉左身企, 變成背住窗 (呢個係我猜測, 亦係第一次講比各位知有呢件事)!!!

好傷心, 我鐘意左隊長超過10年, 上年轉左鐘意呢位人兄, 卻發現呢個人嘅品格原來咁有問題....好彩, 佢來香港比我睇晒佢嘅所有行為同惡行, 我以後就可以完全唔需要再浪費光陰支持錯人啦!  用一d時間, 睇清事實真相, 雖然唔開心, 但就好值得。

門神兄, 借你d相在此比本人一用o下....唔該晒!! 

頂, 真係好嘔心 (我係話呢個我曾經鐘意過的人, 唔係後面的好人 Moli)!!!

 

我完全唔敢行埋佢身邊, 呢d精彩照片由門神兄影的。 門神兄, 你做得好呀, 影低晒d罪証!!!