Part 5 - 都靈美景大搜羅!

今次諗住簡單分享一下我上趟 (07年)喺都靈有去過嘅重要景點。雖然我逗留左5日4夜，但實質遊玩時間係只有3日full days, 非常趕，有幾個我原先好想去嘅地方都因為時間關係，去唔倒呀...., 所以若果有機會再去的話，一定第一時間去先!!!

都靈應該唔係好多香港人去意大利旅行嘅其中一個目的地，除非好似我一樣，想拜訪祖雲達斯嘅hometown； 又或者去開米蘭，有多餘時間，坐個幾鐘頭火車過去都靈順道參觀一下。但咁嘅好處係唔駛撞口撞面都係香港人/亞洲人! 

比起意大利好多其他嘅大城市，都靈比較寧靜，亦好安全。同羅馬、米蘭等地方分別好大，但我覺得好舒服，尤其是終於可以尋回一絲安寧，太好喇。

唔知點解，我在都靈期間，有少少在家嘅感覺。d人好友善 (好溫暖呀)，地方整潔，頗安全，唯一係冇乜人識英文 (咁都有好處嘅....焗我勁查字典記住d字同expressions, 免費practise意大利文, 哈哈!!)

雖然都靈傳統上唔係香港人嘅一個旅遊勝地，但我個人就覺得呢個城市有好多地方, 可以值得花時間慢慢遊覽觀賞一番。

我住嘅酒店附近有一個street market, 條街乜鬼都有得買 ~ 生果、蔬菜、肉類、日用品等等。

都靈d建築，最出名之一，係呢d長廊 (porticos), 所以行街shopping, 就算係落雨甚至係落雪都唔駛怕 (當然天公造美就最好不過啦)。

2006年冬季奧運會在都靈舉行。喺市中心嘅Piazza Solferino (Solferino廣場), 起左一個建築物，收藏、展覽冬季奧運會裡一些展品，冇記錯的話，係免費參觀；仲有d過期紀念品，以特價發售，我都買左一d留念添。

上面三張相展示美麗嘅Piazza San Carlo同好味嘅名菜Vitello Tonnato。Piazza San Carlo被形容為都靈最美麗嘅廣場；而Vitello Tonnato (Vitello解小牛肉, tonnato就解tuna fish sauce)係Piemonte省名菜 (都靈係Piemonte省嘅capital)。

呢個廣場日頭唔覺得有乜特別，但夜晚入黑後，情調一流。廣場週圍有好多餐廳，可以選擇喺露天餐枱食飯, 週末仲有街頭表演添。註: 呢度係Caffe' Torino, 好出名的，本人唔識死試下幫襯，好彩仲比得起$, 唔駛食完後冇$埋單，要留喺度洗碗碟扣數，哈哈!!!!  間餐廳d工作人員勁好人，第一日去竟然送左佢地餐廳大堆朱古力過我；佢地叫我第二晚再黎吃過，有野送過我。我諗住橫掂都係要搵野食，去番相熟一間都係好事，於是答應。第二晚我一去到，坐低，佢地就叫我入去餐廳內揀兩件cakes, 送我食!!!  太好喇，之後又再送左好多印有佢地餐廳名字嘅小型朱古力, 比我 "戰行" (farewell)!! 

Piazza Vittorio Veneto (Vittorio Veneto廣場), 據講係歐洲最大嘅廣場。呢個廣場真係超級咁大!!!真係行都行到腳仔軟!!!

都靈出名嘅地標 ~ Mole Antonelliana (La Mole).  前文 ("穿梭都靈"裡嘅文章)有簡單介紹過呢個建築物的。去到都靈，一定要抽時間去呢度玩下, 最好參觀埋裡面嘅Museo Nazionale del Cinema (The National Museum of Cinema), 因為裡面展品好有趣。第二張相就在博物館內拍攝的。

Porta Palatina (稱為Palatina城門), 附近一帶較為寂靜, 因為已經離開其他景點頗遠，週圍又冇乜人。

呢間叫做 "Al Bicerin"嘅cafe, 亦係非常著名，去到我都點左一杯佢地著名嘅飲品bicerin (都靈咖啡 + 熱朱古力 + 奶 + whipping cream)。不過我牛趙牡丹，唔識欣賞，亦唔多識講呢杯飲品點解會咁出名同咁好飲......

以上三張相片係我去Basilica di Superga (Superga洗禮堂)攝的。首先要喺市中心坐一架巴士去到市郊某一站，然後過對面馬路坐一種小型火車仔 (第一張相所示), 上半山後，再行一段路，就到達洗禮堂喇 (第三張相所示)。 可能意大利小學生好多outings, 我成日都在不同地方撞到一班二班學生。今次，我又撞到好頑皮嘅細路。圖二個班學生，就係我等上山小火車時，佢地亦係等同一班車。我要強調，d意大利 "靚仔靚妹"真係噪到冇人有，把口未停過，講野有動作多多 (其實幾可愛gee), 但佢地真係噪到拆樓，成架火車比佢地坐晒咁滯，其它旅客基本上得十個八個。我亦冇得揀, 只可同佢地一個車卡, 坐喺佢地附近。架火車嘅噪音分貝唔知只唔只200, 我聾咁滯!!!  佢地又唱歌，又大聲傾計，跟著又打下交，又打開唔准開嘅窗門, 然後有兩個老師行埋黎，惡到爆勁鬧佢地。但老師一行去第二個車卡，班靚仔靚妹又再噪過, 仲竟然打開火車地下塊版 (於是乎火車行車中見到個地下)!!!!  幾鬼反斗，反斗到你唔信!  而佢地又對我非常好奇，成日望下望下我，攪到我好唔自然。

d意大利老師真係超級惡，如果佢地喺香港教書，實一早比d家長投訴左，炒埋都未定囉....

有件傷心事值得一提: 1949年5月4日，拖連奴足球隊剛在葡萄牙踢完波，齊坐飛機回都靈, 但不幸因為大霧，飛機撞機落洗禮堂後面，全機所有球員以及球隊工作人員，共31人喪生，事件令都靈市變成愁雲慘霧。為紀念呢件不幸事件, 於是喺洗禮堂後建造左一個殿堂紀念。可惜殿堂只在週末開放比公眾拜祭, 我時間唔配合，冇參觀到。

Museo Egizio (The Egptian Museum)，號稱世界第二大埃及博物館, 展品數目僅次於埃及嘅開羅博物館。裡面展品都算豐富, 不過我覺得比起開羅博物館, 規模仍然係細好多。

其實仲有一d景點沒有去到，如果再去都靈，會先去個d景點, 影多d靚相，同大家分享一下。

差d忘記左優美嘅Fiume Po (River Po)。

都靈之旅待續.....