Part 3 - 首度拜訪祖雲達斯專門店!

上回講到都靈好多人好友善...其實仲有好多例子，不過可能講幾日都講唔完 , 所以唔講住喇，不如轉下題目啦，講下我朝拜祖雲達斯嘅第一個目的地 - Juvestore (祖記專門店)。

Juvestore在市中心嘅店舖，在旺區嘅大街上。由於都靈市中心街道設計大致係成井字型，所以d街道排得好整齊，而祖記間店可以話係頗易搵。搵到間舖喇!!!

入面佈置得好靚。第一次真正去到咁祖記feel嘅地方，異常興奮!  為左禮貌起見 (而且唔知係咪准許), 所以首先走去收銀處度問一問可唔可以在裡面影相。個salesman好友善咁話可以，於是我就係咁呢度又影，個度又影。影得梗係唔好浪費，影得衰咪delete囉，用SD card咋嘛! 

裡面嘅 "風景"實在太怡人喇!  最吸引我嘅就係個支簽滿晒球星名嘅白色簽名柱!  我對住條柱影左一輪後，就請個salesman幫我同條柱影左幾張 "合照"。

嘩，離遠已經見到間舖喇!  四位祖記主要人物都在舖外嘅poster上。

入到去簡直瘋狂添呀!  我可唔可以攞晒d野返屋企呢?  呢條就係Juvestore裡面嘅球星簽名柱。

講真，呢間Juvestore入面有售嘅物品唔係話好多，好多在 juventus.com網上有得賣嘅野在呢處都見唔到，有d失望。唔知祖記係咪特登 "焗" d球迷上網訂貨，賺多d錢呢?  最弊係，網上訂野貴到鬼咁，分分鐘郵費貴過件貨!!!

我在呢間店唔係真係買到好多野 ---- 一本隊長廸比亞路嘅自傳、一件 t-shirt, 一架祖雲達斯隊巴嘅模型車，同埋少少濕濕碎嘅野。反而我係街上邊一間舖頭買左一張成張單人牀單咁大嘅祖記旗 (10蚊歐羅呀，好貴), 同埋一隻關於保方嘅DVD (實情係我買錯野，原先我係諗住買祖記呢套 DVD series嘅No.1, 關於廸比亞路的, 但我睇錯左，買左No.2, 即係我依家呢張，但我第二朝想返去換，位老闆話 No.1個隻已經賣完，現在剛推出 No.2呢隻)。咁算啦，冇所謂啦。

都靈市中心嘅建築物非常之高貴華麗, 唔知同佢曾經在 1861-64年間係意大利嘅首都有冇原因呢?   另外都靈好似曾經被法國佔領左一段時間 (唔係好肯定啱唔啱)。而這座建築物叫 "Palazzo Madama"。

都靈嘅其中一個重要地標 - Mole Antonelliana (La Mole) 。 外表金碧輝映，就算在都靈半山上望落黎，這座building都好突出。由地下可以坐升降機上La Mole最頂，望下全市風景。值得一提，裡面有間 “Museo Nazionale del Cinema” (The National Museum of Cinema), 收藏左好多明星拍戲時着過嘅衫褲鞋襪之類，仲有好多其他特別野睇，好有趣。如果持有都靈嘅 Torino Card, 免費入費嘅。

都靈奇妙之旅........待續.......