Part 10 - 我愛Palla (下部份)!!!

上兩集講左太多說話, 所以今趟打算將Palla在香港嘅相作一個集合....

21/5 (Day 1): 第一日到港, 大約9am左右到達酒店。今日馬不停蹄, 下午4pm已經要在大球場作一場閉門操練, 多謝blog友, 亦係體育記者嘅Koyuki, 過番嗰日個幾張相比我地。感謝晒!!

 

22/5 (Day 2): 最重要的一天, 因為今晚8:30pm有呢場祖記作客大戰南華嘅比賽。祖記今次第二次來港 (上次是 2005年6月3-5日)。今次缺少左隊長同利維特等主力, 不過我地反而有機會現場睇柏拿甸奴、青年軍Pasquato、Vecchione等, 都算特別。 (另註: 我剛在4月27日在都靈睇左場祖記主場對拉素嘅比賽, 賽果 5:2, 一個月內睇左祖記一場主場, 一場作客, 超正)

亦要感謝一眾blog友, 已經唔識分邊個影過邊張相, 總之就係: 謝謝, 感謝再感謝各位分享d照片!!! 

比賽前, 1:30pm, 有一個專為祖記官方球迷會而設嘅簽名會在酒店舉行, 我地幾個blog友咁啱都係會員, 所以可以一齊名正言順, 堂堂正正, 唔會比人趕咁去見祖記球員!!  正!!

 

比賽就當然係緊要啦!!!  不過個賽果就可以唔駛理 (因為輸左)...

 

23/5 (Day 3): 今日祖記離開香港, 轉戰上海。早上未離開酒店前, 球員分批出去門外, 同架Fiat 500影相宣傳一番。原來Fiat再度在港發售.....

(嘩, 本人隻在米蘭跌傷左嘅手.. ~ 在米蘭火車總站門口塊空地為左追火車去都靈而失控大字型加插水式成個pa在地, 樣衰到無人有, 全世界都見到本人個核突樣!!!!) ....但最混吉係最後都係miss左架車, 頂!!!!! 

 

Palla在隊巴發現我同Yuen走左過佢坐嗰邊窗, 即刻同我地打晒招呼, 等我地又可以影佢相, 果然醒目仔!!!   希望不久將來可以又近距離見到Palla啦!! 

 

因為一個騎呢阿嬋喺架隊巴臨開車前 "嚎哭" (超攪笑嗰隻), 攪到所有球員為之震驚!!  個個轉個頭出黎睇笑料!!!  Palla本來坐另一邊, 都企起身黎睇野。個阿嬋好死唔死企正我隔離, 真係比佢影衰.... 千祈唔好以為我識得佢!!! 

 

因為今次佢地嘅"Asia-Pacific Tour"有Costa Cruises作主要贊助商之一, 所以臨離開香港前, 先到海運大廈嘅Costa遊輪作宣傳。

~~ 下集 ~~ 結局篇 ~~ 將集合本人同祖記職球員嘅合照....