Part 9 - 我愛Palla (中部份)!!

其實都估唔到, 竟然有球員會記得自已, 真係好感動。

Day 2 (22/5): 祖記在香港之旅嘅第二天。1:30pm有個為祖記會員而設嘅簽名會, 只有會員先可以參與。我地幾個真係熱切期待...不過因為Mei Ling同阿Dick並未係會員, 所以昨日我地已經搵機會問一兩位祖記工作人員, 可唔可以"攝埋"佢地入去。當時兩位 (D小姐 & E先生) (唔開名, 但大家知係邊個啦), 唔係好肯定, 只話呢個係Juventus members嘅privilege, 叫我地到時再問同試下。

11am左右, 我同Yuen就從天橋直上酒店1/F嘅coffee shop, 一來想避開地下d保安, 2來我地認為時間尚早, 不如坐在coffee shop飲下野等好過喺酒店外熱辣辣, 話唔定隨時見到球員出下黎飲野。嘩, 行到天橋同酒店個接口處, 竟然見到兩個著住紅色衫嘅祖記球員剛出來, 係Palla同黑面神歷高達利!!  我地兩個行埋去時, Palla叫住 "Anita, Anita.", 隔左一晚, Palla仲記得我個名喎, 內心不知幾興奮!!! 我問佢地昨晚ok嗎?  有冇去到山頂睇夜景?  有冇去中環或金鐘買名牌野 (呢d係與昨日Moli, Palla & me嘅談話內容有關的), 不過原來冇, 黑面神話佢地去左蘭桂坊 (不過初頭佢讀成Kwai Lan Fong, 我地唔明意思).... 唔怪得啦, Palla & Moli之前根本都唔識蘭桂坊, 應該係呢個黑面神識 "訂" (佢3年前跟祖記黎過HK的), 帶佢地出去浦。

 

之前一日, 在街上遇到Palla, Moli幾個, 我同佢地傾計時, 附近有球迷圍起來, 原來有人影左相添!  Palla手上揸住嘅postcard, 就係我送比佢嘅第一張postcard，係幫佢地行街時用的。Palla隔離是Moli, 再隔離就係我同Mei Lin.

尖沙咀街頭大合照!!

 

同佢兩個say goodbye後, 就坐在coffee shop飲野, 同埋等Mei ling、門神 &阿Dick。門神 & 阿Dick兩位係我在blog度認識嘅祖記fans, 大家好啱key, 門神已經因為買飛嘅事宜, 之前見過面; 而阿Dick就今日首次見面。 門神太好人, 竟然送我地每人一條祖記手繩作見面禮, 多謝晒!!   

但我就真係好唔好意思, 我冇野送比各位添...

Yuen, Mei Ling, 阿Dick, 門神都著晒波衫, 不過我唔著得, 呢樣野係我唯一迷信嘅野 ~ 我著親波衫睇波, 隊波就輸, 100%準確率, 所以我係一定唔著波衫睇波 (但原來我著件祖記 polo shirt都中招, 今晚場波輸2:1呀)!  加: 我上個月在都靈睇祖記vs拉素, 只著普通衫, 加條祖記頸巾, 球隊贏5:2呀, 你話係咪唔信斜唔得呢??!!

我地坐coffee shop個位, 原來係在球員搭電梯落黎食野個房附近, 好正, 睇到d球員出出入入喎... 仲有排先到簽名會, 不過祖記職員S小姐已經要核對我地資料同membership card, 到差不多入去簽名會現場時, 佢無端端同我講, "我地比埋你兩位唔係members嘅朋友入去簽名會, 不過一定唔可以話比第二d人聽, 因為酒店外有20幾個唔係members嘅球迷都話想參與, 我拒絕左, 你千祈唔可以講出黎。"  佢地真係超級好人, 我地緊係唔講啦, 咁著數嘅野當然唔通知其他人啦, hahaha! 

個所謂簽名會真係超級流料, 原來係球員食飽野行出黎時, 你走埋去簽名影相喎!!  神經, 我仲以為係d球員坐定定比我地簽名添!!  好事但喎大佬!!  當然, 我地見到晒黑面神歷高達利 & 馬基安尼, 仲發生左有名嘅 "馬基安尼黑面拒絕接受Anita訪問事件"!!!  哈哈哈!  今日講來好似好笑, 但當日真係激氣到爆!  話說一位職員見到我送一份野 (係Marchionni在祖記對拉素場比賽當日, 我現場影嘅相), 就叫我同Marchionni做個簡短訪問, Juventus Channel會拍攝, 其實我好驚上鏡的, 不過佢地叫到, 又見係祖記野, 就應承...點知個Marchionni黑晒口面走人!!  d職員仲話佢今日發生乜事添!  佢地追番佢返來, 但佢就黑口黑面, 我就亦被 "邀請"再訪問佢, 講真, 我好唔想訪問佢!  做乜啫, 又唔係我想訪問佢, 白白痴痴又唔知問乜問題好!  最討厭佢塊黑面, 我真係不知幾想在佢面前走人, 比佢感受下被無禮對待係點, 但眾目 "kwai kwai", 加上我唔想做到咁絕, 所以都揸住個咪問佢兩句....嘩, 真係經典, 呢個茂壽簡直絕世經典乞人憎到無輪, 用文字係唔夠形容佢個衰格同不知所謂嘅態度!!!  個一刻我真係不知幾想掟咪同掟佢, 好想爆粗添呀!!!  佢變態ga, 好乞人憎, 我一生人呢個係第二個咁樣對本人嘅人!!! 

咁嘅人....唔駛10秒, 我決定永遠唔會再喜歡....返左屋企, 我c爛晒所有佢嘅相, 同埋同佢影嘅合照, 事關我睇見佢真係好Q唔開胃!!!  不過留低佢簽名嘅合照同埋件簽左名嘅波衫....點解呢?  係用黎比自已記住, 人 ~ 不可以貌相係真珠都冇咁真呀!!  千祈唔好咁蠢亂咁鐘意錯人呀!!!! 

仲乜講呢個茂里講咁耐??!! 

個簽名會最後出現就係Moli同Palla, 唔知佢地係咪知道有簽名會呢件事, 所以非常好心機係咁同我地簽名同影相 (不過我覺得呢個同人格比較大關系d!!)...Moli同Palla出來就叫我個名, 真係surprised!  就好似見到朋友時稱呼一樣, 所以真係好開心。Moli & Palla真係超級好人, 我都唔得閒搵Moli簽名, 只係搵Palla簽名同影相。Palla簽名在我張相時寫左 "Ad Anita" (=To Anita), 而在另一張相同我件Palladino作客波衫度, 仲加左一句說話添, 真係令我開心到爆!  冇想過佢竟然寫埋我名同一句好warm嘅說話 (我覺得啦..)....佢真係好好人, 我同佢講件波衫上佢已經簽左名, 但好淺色睇得唔清楚, 佢於是乎搵支鮮色筆 (紅色筆), 在我件衫嘅號碼度再簽。

Palla在簽名會忙於簽名同影相, 佢簽名都簽到手軟....

 

另外, Yuen同我送左一套北京奧運福娃毛公仔比佢, 佢幾鬼開心, 係咁話, "for me, for me?"...當然啦, 唔送比你點得呀!  另外我地送左張香港postcard (後面寫左意大利文嘅說話), 而我再比左一張我在都靈時影佢嘅相。

據講佢非常喜歡我地送嘅禮物, 仲同其他人研究添。

呢個簽名會好處係: 我地唔會比祖記保安趕!!  haha!!!  當Palla走時, 我亂咁講左一堆野 (大約係話今日入多d球之類), 佢竟然, 同我飛吻, 多謝我, 再同我單眼, 跟著就 "Ciao Anita!"!  嘩, 唔掂呀, 我觸電呀!  幾萬伏特電力掃過來呀!!!  而且嚇呆左....救命, 呢個意大利型男好勁呀....飛吻加單眼, 佢平時係咪咁樣同人打招呼ga??  每日咪好多人觸電要送去醫院??!!

因為呢下動作被祖記嘅職員見到, 因此本人被好多祖雲達斯嘅職員認識, 怎至係祖記嘅保安哥哥!  好幾個職員即刻走上來問點解祖記d球員識得我, 點解Palla識得我.....而阿保安哥哥往後亦係叫我 "Anita", "Anita, sorry" (叫我借借都好鬼有禮貌添)....我覺得好攪笑, 連保安依家都知我係乜水, 下次去都靈見球員時唔知會唔會方便d呢, 哈哈哈!!

而我地在簽名會時被 "邀請"影左張相, 仲曾經被放在官網上添, 哈哈哈!  仲有就係d職員知道我有訂祖記嘅官方月刊同埋去左都靈兩次睇波, 所以搵左我做左個簡短訪問....我爆左話馬基安尼非常咁衰, Palladino就係 "numero uno!" (Number one!)!! 

唔知係members嘅blog友有冇發現, 我諗祖記d職員應該都對我地印象深刻, 而且應該頗正面, 因為juventusmember.com裡面, 總共有4篇關於祖記來港嘅 posts (1篇係Moli寫, 1篇Zebina寫, 1篇係報道香港場比賽, 仲有1篇係個黑面神歷高達利寫的)...你睇番佢地寫d野, 佢地係咁讚鐘意香港d球迷~~~ 佢地幾咁好, 送禮物, 在酒店外等球員, 佢地好有self-control, 最後仲要話 "goodbye HK and thanks"...之後嘅上海同Melbourne之旅, 完全冇d咁嘅野ga!!!只係行行貨貨講佢地d球員在旅程做d乜, 講番比賽情況咋。所以...我地在祖記職員 (或者包括埋球員)心目中應該印象分好高。....查實你地有冇懷疑過d文章係職員/公關 (而唔係球員佢地自已)寫ga呢??  我有d咁嘅感覺...

所以, 祖記應該會再黎HK (掘金!!), 如果是的話, 希望下次隊長, Nedved, Buffon, Camo, 和其他人都會一齊來, 陣容鼎盛的話, 包保個香港大球場坐得滿!! 

由於花太多時間講個茂里Marchionni, 所以仲未寫完呢次祖記2008亞太之旅添.... 下回繼續....

~~~ 待續 ~~~