精彩的英語...

雖然由細讀英文讀到大, 但因為英文唔係第一語言;

雖然工作環境以英文為主, 但香港始終係廣東話天地, 要學好英文都只有靠多睇、多聽、多用, 先發覺有乜唔識, 然後去查同埋嘗試找尋答案。

近日讀報閱到一個專欄, 係古德明先生嘅 "古德明 - 征服英語", 閱後就更加發覺自己英文好差, 因為竟然唔知道以下一句話嘅真正意思......

"It has been four years since I smoked."

我初頭會以為大約意思會係, "我從開始吸煙計, 已經四年了。", 點知根據古先生解釋, 原來真正意思應該係: 我至今有四年沒吸煙了。"! 

咁呢句呢?----- "It has been ten years since they married."呢?  這句大概比較容易解釋, 大約意思係 "他們結婚至今有十年了。"

我都睇到好混亂, 咁即係點呢? 兩句都係用present perfect tense, 正路我估都係話一個從某時開始嘅動作, 直到講嘅一刻, 都仍然有做緊的。點解第一句嘅意思係咁嘅??? 

根據古先生所解釋, married, smoked呢兩個動作, 都係指已成過去嘅短時間行為: smoked係四年前嘅事; 其後四年都已經沒有再吸煙了。至於married, 係 "辦手續結為夫婦", 是十年前嘅事了, 其後十年沒有再辦結婚手續, 不過, 結婚嘅狀態呢當然係繼續下去嘅。

古先生再舉例話, 如 "It has been three years since he died.", 意係: 他去世至今三個月了。他三個月前去世, 其後三個月他沒有再死一次, 但死亡嘅狀態並冇改變。

咁如果想話 : "他們離婚至今有十年了" 要點講呢?  係: It has been ten years since they dirvorced.

 

英文 - 話易唔易, 我真係要睇多d書, 閱讀多d, 進修改善多d先得喇......多謝古德明先生呢篇精采嘅文章, 我有收起來保存。