今次去澳門嘅最大目的, 係因為一位好朋友送我《水舞間》(The House of Dancing Water) 嘅免費入場票! 咁發達當然一定要去啦。真係人出豉油我出雞, 張飛只係$380, 但我就要搭船同埋租酒店住, 不過冇所謂, 一飛難求嘛
《水舞間》在氹仔新濠天地 (City of Dreams) 嘅一個場館舉行。與朋友特地在 5pm開show前, 預早去睇另一個表演, 叫做《龍騰》(Dragon's Treasure)。《龍騰》係免費show, 半小時做一場, 每場為時大約20分鐘, 但要先到《龍騰》嘅表演起地外票務處先取門票。好彩問一問, 先知原來持有當日睇《水舞間》嘅票, 可以優先取票睇《龍騰》, 正!
《龍騰》個show幾好睇呀, 不過就要企係度, 久不久抬高頭, 久不久又掂轉頭睇, 所以條頸有d倦呀。
睇完《龍騰》, 時間啱啱好, 行過去另一場館 (都在新濠天地商場入邊的), 準備入場睇《水舞間》。今場全場爆滿 (查實係每場都爆), 同埋之前聽講有極好口啤, 所以對呢個show有好大期待呀。
坐第一行感覺真係好得意 - 除左前面冇人阻擋視線之外, 久不久仲有舞蹈藝員會行到你面前, 做d古靈精怪嘅表情, 我地附近仲有位外國觀眾, 仲被一位舞蹈員整古, 攞左佢大脾上面塊毛巾抹頭, 哈哈哈!!! 坐頭幾行會有毛巾供應用來遮住對大脾, 但我地坐第一行, 其實應該要多一塊毛巾遮頭添, 因為有一 round, 係會持續被水淋成幾十秒呀 (雖然唔係好大水量, 但個頭一定會濕晒)。
整體而言, 個show係勁好睇呀
The House of Dancing Water (水舞間)嘅official website: http://thehouseofdancingwater.com/en/#/home
我都好想睇, 你有免費飛仲要第一行, 羨慕c人咩!!!
ReplyDelete[版主回覆10/27/2010 23:15:00]係一位多年好友, 佢贏左幾張入場票, 但因為佢已經睇過, 所以送左兩張比我, 咁我又和我一位老朋友去澳門睇。我同我朋友都話, 呢個表演太正, 一定會自己出錢, 遲d再去澳門睇多次呀! iris, 你多唔多去澳門架? 如果多的話, 隨時都可以起行呀, 哈哈哈!!
ta ~~ 水舞間裡面可以影相架 ??
ReplyDelete我都超級想睇呀!!
[版主回覆11/14/2010 18:35:00]Ah dull, 裡面可以影相的, 不過唔可以用閃光燈.....因為我地坐第一行, 所以影得比較清楚少少, 事關冇人在前面阻住嘛,