Yblog 3週年紀念!

轉眼間, 今日係我寫呢個Yblog嘅3週年了! 時間真係過得好快, 想當初我之所以開始寫blog, 純粹因為無聊, 哈哈!  呢篇就係我嘅第一篇blog喇 —> 暫時沒有意甲比賽的日子  (但依家我都好少講意甲, 事關冇野好講!)。

原先對blog嘅構造豪無idea可言, 但當時有兩個friends都寫blog, 其中一個游說我都寫...哎喲, 但今時今日, 呢個friend已經走左去玩微博喇!!!

呢3年來, 在Yblog認識左好多朋友, 有d更加非常之熟, 久不久會見面添。呢個世界真係好奇妙, 寫下blog, 去下人地度睇blog, 講下野留下言, 就會熟啦, 會見面啦, 會出來食飯啦, 認識朋友就係咁無心插柳、咁得意。

好可惜, 寫blog要經常有題材講野,、要有耐性繼續寫, 在每日工作、忙於生活應酬嘅情況下, 要維持 "寫野"嘅心情唔易。我自己都有一段時間冇寫野, 其中一個原因係Yblog好多垃圾回應, 不過呢個情況似乎有左改善。查實如果可以, 我都唔想轉地頭, 因為在此有感情, 但好明顯, 我依家只得好少朋友會定期寫呢個blog, 好多都只在玩微博同埋facebook......

可能我多廢話, 我覺得Yblog給我機會分享唔同野, 又可以attach photos, 同埋...Yblog可以比較秘密d, 因為fb實在太公開喇....