大國崛起 ~ 我即刻想起... 狄娜姐姐呀
正經D講, 其實當呢套大國崛起在電視台做嘅時候, 由於一D原因, 好多時我都睇唔到, 所以根本唔多知原來有講過葡萄牙同埋西班牙。
今時今日, 可能在一些人心目中, 呢兩個國家並不是大國; 但係從歷史角度黎睇, 呢兩個國家, 對人類地理同文明歷史有極深遠嘅影響。
以前讀書時, 因為想寫同英國或者西班牙有關嘅dissertation, 所以在一個暑假裡, 猛咁睇左好多呢兩個國家嘅歷史書; 不過最後, 我走左去做 Northern Ireland嘅野...
在圖書館, 要搵D同英國、美國、德國等呢D大國有關嘅書大把; 但要搵同意大利、葡萄牙、西班牙呢D國家有關嘅中文書 (係要繁體字版本, 唔係簡體字版本), 真係唔多。
如果大家都有興趣, 可以去圖書館借呢本書來看 (不過唔該唔好call書住, 等我睇晒先啦, 哈哈哈)。
托德西利亞斯條約 Treaty of Tordesillas ~ 原來就係呢條條約, 世界歷史上首次有由兩個國家瓜分世界呢件事情出現!!!
1493年 (哥倫布發現大陸後)，教宗亞歷山大六世 (Pope Alexander VI) 頒布教諭，將全世界嘅海洋一分為二, 劃分比葡萄牙同埋西班牙。1494年，西葡兩國訂立《托德西利亞斯條約》（Treaty of Tordesillas) ，平分全世界嘅控制權 --大西洋的子午線為兩國行使海洋權利嘅分界線，以西歸西班牙所控制，以東歸葡萄牙所控制。
亦因為呢項外交協議，葡萄牙人就向遠東地區發展，更加選擇左澳門作為與中國通商嘅根據地，而傳教士在16、17世紀開始到達澳門。原來葡萄牙人晨咁早已經開始到左澳門囉喎!!
從書中知道, 意大利人哥倫布 (Christopher Columbus) 從歐洲嘅西班牙出發，展開佢尋找新大陸嘅海上旅程。1492年10月12日, 佢登陸首個島嶼，並命該島為聖薩爾瓦多島。後來西班牙將呢日 (10月12日) 定為國慶日。
呢兩個國家在航海大發現後, 大肆發展貿易之餘, 當中亦洩及殺戮、對付、奴役印第安人, 從非洲販賣黑奴等。呢D野, 我唔敢亂作批判 ~ 歷史, 自會有歷史學家去評價。
我, 只係識睇書, 唔識做歷史評論。
No comments:
Post a Comment