又和, 又和, 又失分!!

睇到炆!  又和波, 又失分! 

尋晚意甲比賽, 本來都想睇祖記的, 但知道熱拿亞都有直播 (而且係Cable TV播), 咁就諗住睇Palla, 所以棄祖記睇熱拿亞。點知, 仲話係Palla嘅big fan, 都唔知原來佢傷左, 今場根本都冇出, 咁.....咁又轉台睇番祖記隊 "垃圾波"囉!

睇一場冇球迷嘅祖記比賽, 完全冇氣氛可言, 成日影住個爛鬼Ranieri, 真係想打爆佢, 又久唔久影下班高層, 更加唔開胃! 

睇左10分鐘左右, 我實在頂唔順班波, 同埋竟然1分鐘就比對方Atalanta入左一球!  我又轉左去睇番Genoa。雖然Genoa唔係我隊球隊 , 但係睇Genoa真係有趣味得多, 起碼睇佢地嘅4-3-3陣同埋強攻嘅力量都興奮多好多。

唔係話我鐘意Palla先咁講, 冇左佢嘅熱拿亞, 進攻、交波等等差好多, 件發瘟Sculli好糞, 米列圖都麻麻地, 佢球12碼其實比龍門捉到路, 好彩都入到。之後祖記借將Olivera個球free kick先勁呀!!! 靚! 

 

祖雲達斯又和波, 依家仲死, 除左阿二位置越來越被AC拋離, 連阿三位都危!  比費倫追到氣咳... 如果最後幾場再唔贏波, 而人地又贏波的話, 就變成阿四。好, 橫掂都衰開, 唔爭在。Ranieri同班高層唔該快D一齊請辭, 向球迷交待。

我依家睇見呢D廢柴就唔想睇佢地踢波。