朋友

轉眼間, 已經無業左一個幾星期。日子好似唔係好難渡過, 或者係因為遇著4日復活節假期, 好多朋友都得閒, 一齊出下街, 飲下野食下野。

有一晚, 約左3個由中學識到依家嘅老朋友飲夜茶....當我講我剛剛冇左份工時, 呢三位朋友嘅反應係:

朋友A: "Good!  Welcome to the Club!" (佢已經失業左一段時間, 佢係專業人士黎, 佢竟然仲笑晒口, 咁樣去 "安慰" 我)

朋友D: "Ta, 當休息下啦....我地大家都做左咁耐野, 就算係放個大假囉!  我兩年前已經想quit左依家份工...." (我地大家本來都在同一區工作, 久唔久就約埋食lunch架, 依家...)

朋友L: "其實依家 "濕熱" 真係好平常。

 

朋友A, D & L, 同我識左 N年咁耐, 大家真係唔講客氣話, 佢地言則好似一D都冇安慰到我, 實情, 大家心照。又想起大家 "細路" 時一齊玩嘅開心日子....

朋友A從美國寄左兩個 "Tamagochi" 比我, 攪到我一日玩個game, 餵隻狗食野, 幫佢清理佢D "c"! 

朋友A過來探我地, 我地同埋另一個friend, 一齊去 Windsor睇堡壘, 又一齊去搵那間名校 Eaton School, 點知未到四點已經黑晒天, 乜都搵唔到!

朋友L & 我在平安夜搭唔切火車, 被迫留在 London一晚....第二朝搵朋友D過來接我地,揸車送我地一程....

某年我生日, 搭正凌晨12點, 我收到個冇人講野嘅電話, 原來佢地一齊打 conference call比我, 播首歌比我聽慶祝, 首歌係: 當時我超鐘意嘅 NKOTB首 "Happy birthday"! 

 

人失意嘅時候, 最需要嘅, 除左錢, 仲有係珍貴嘅友誼。我家族裡有人有老人痴呆症....希望我唔會有呢種病, 人失去左記憶都幾可憐.....有時有D回憶可能唔好, 但係我可以選擇忘記; 我希望能夠留住人生珍貴嘅回憶, 咁我開心, 唔開心嘅時候, 想起呢D美好嘅回憶時, 人都會積極番D。

朋友們 ~ 感謝晒!!