好少在blog講明星歌星嘅野 (好似八卦八卦咁添), 不過今日發生左一件趣事...又勾起我另一些往時趣事......
頭先lunch時落左銅鑼灣, 經過鵝頸橋時, 見咁多人....初頭以為又到打小人時節, 但見到有一支大射燈, 知道一定係拍戲。行近少少, 哦.....原來係蔡少芬 + 黄德斌....仲有陳豪 (全頭白髮呀!!), 拍緊戲, 唔係 "珠光寶氣" 仲拍緊啩??
上兩個月有一晚先在跑馬地見到黄德斌, 依家又見到喎。 大約年半前, 在銅鑼灣保良局附近見過陳豪, 佢真人真係幾高, 當時佢係光頭look。 在一條冇乜人嘅街上, 我咁啱行在佢後面, 又係向時代廣場嘅方向行, 我在佢後面行左超過5分鐘, 當時我唔知似唔似狗仔隊成員呢??
可能同D名人有小小緣份, 所以久不久都撞見下。以前在金鐘太古廣場見過兩次彭定康, 又見過一次前菲律賓總統 (阿基諾夫人?)。見過成龍迎面行過, 有次在中環一條細街見到周潤發, 當時唔知點解自己會睇住呆左, 佢就同我微笑...其他甚麽余若微, 李柱銘等政客都見過好幾次, 最記得89民運時在金鐘廊見到李柱銘 & 岑建勳神色凝重咁行過 (當時呢兩個人被盛傳協助大陸民運學生離開大陸)。我以前住灣仔時, 成日有明星歌星在屋企樓下拍戲甚至MTV。 郭富城未紅之前, 我見過佢同那個姚正青 (??)在太古城行街...
就連在外國, 都碰見過一D名人...5月時, 在都靈市中心街頭就見過祖記球員史丹達度, 基謝拉同埋洛斯連奴....而有次, 在西班牙某城市一間小舖裡, 見到前馬來西亞總統馬哈帝爾嘅太太...我本唔知位阿太係乜大人物, 係同行班馬拉朋友講嘅, 之後班馬拉朋友仲同阿太傾左一大輪添........
突然醒起, 仲在紐西蘭兩次見到金管局嘅任總...講起就攪笑, 我地先在Queenstown (皇后城)嘅機場見到佢同一位女士 (佢女友?), 佢地見到我地時明顯有D唔自在 (可能估唔到咁小嘅城市都竟然見到黄皮膚人), 之後我地整古整怪, 我個 FRIEND 攞佢個長鏡相機擰來擰去扮影佢地
講開....我以前間中學都出下所謂名人, 包括陳四萬 (不過本人不太喜歡此人)....我較喜歡郭藹明 (??) ~ 劉青雲老婆。
No comments:
Post a Comment