太耐冇update個blog, 因為呢排忙到神經!!
呢個葡萄牙之旅寫左咁耐, 唔似我性格...哈哈哈
熟悉本人嘅blog友都知我鐘意睇足球, 雖然我嘅第一最愛係意大利國家隊同埋祖雲達斯, 但一場來到葡萄牙, 我都好想睇番一場足球比賽, 最應該當然係睇里斯本市嘅Benfica (賓菲加)啦!
Benfica依家在葡超聯賽排緊第一...佢地就好啦, 我地嘅祖記, 唉, 講來sai氣, 有資格踢到下屆歐霸杯都已經偷笑!
講番賓菲加...我同朋友因為有免費波飛, 所以唔駛錢有得入場睇波, 正正正!! 
賓菲加嘅跟據地 - 光明球場 (Estadio da Luz), 位在市中心, 超級易去, 超級方便, 做佢地球迷真係好! 球場曾經為2004年葡萄牙舉辦歐洲國家杯而特登重建, 所以裡面又新又靚又大, 主場顏色仲係...我最喜歡嘅紅色呢!! 嘻嘻!
見到呢度...就掛住祖記嘅主場, 好想有機會又返去都靈睇球賽呀!!
球場雖然好大, 不過搵自己個位都唔難, 當然我都冇乜搵過, 我朋友做帶頭, 嘻嘻...
球場保安都係普通檢查啦...但可以帶水樽入去喎!! 反而祖記主場唔准帶水樽, 連縮骨遮都唔比帶入場, 好麻煩。入面有舖頭我地可以買野食買野飲, 裡面工作嘅人好友善, 雖然我同佢地雞同鴨講, 但佢地好有耐性同我講有乜野食, 幾錢等, 果然貫徹葡萄牙人好友善嘅一面。
唔記得講, 睇嘅呢場比賽係葡萄牙聯賽杯, 賓菲加主場對國民隊。最後賓菲加勝 1:0, 入球嘅係沙維奧拿。
好啦, 終於講完里斯本呢一部份, 下站終於可以講下個城市喇!!
穿梭葡萄牙之旅 2009/10 - 待續!
有陣時我都好想去睇返場波, 因為我覺得佢地 d 氣氛真係一流........我都好想感受下呀~~
ReplyDelete[版主回覆04/06/2010 08:35:00]你有冇支持邊隊球隊咁呢？ 係呀, 現場睇波真係好正, 諗起我依家都想入場呀, 哈哈!!
其實我冇嘜睇波架~~ 不過我都好想去英國睇下曼聯咁啦~~
ReplyDelete好緊張呀! 到數一個月便要出發了
ReplyDelete呢個場好熟口熟面喎... 是否2004年歐洲國家杯的冠軍賽球場？好似係我之前睇過英格蘭vs法國的球場？不過，我就冇你坐咁前，我當時坐山頂位咋！
ReplyDelete[版主回覆04/11/2010 18:58:00]咁我又唔知呢個賓菲加主場嘅球場係唔係2004年歐洲國家杯的冠軍賽球場呀, 等我問下我個朋友先...不過睇怕佢都唔會記得, 因為佢有同我一樣嚴重嘅失憶症, 哈哈哈 !!
當日我地真係坐得幾前, 但就因為坐近龍門, 所以座位較為遍, 唔似之前兩年去睇祖記時, 坐正中間前頭幾行咁發達, 不過呢次一豪子都唔駛比就有賓菲加睇呀, 超正, 所以我完全冇投訴, 仲要多謝朋友嘅好帶hit呢, 嘻嘻 。
你鐘意曼聯的???
ReplyDelete>> 都唔算係~~ 不過咁多隊波, 我最熟悉就係曼聯咋~~
Ta, 我又要開始煩你嗱~~
你知唔知到 lucca, Venice 火車站 & san gimignano 巴士站有冇 locker 呀??
有d 人話如果早 d 上網訂火車票, 會有特價飛或者會有好多discount, 係唔係呢 ??
[版主回覆04/11/2010 22:08:00]唔煩唔煩.... 唔好意思呀, 我已經好多年冇去過Venice, 所以唔清楚佢地個火車站有冇lockers添, 但我估計, 呢個係大站, 又係最hit嘅地方之一, 應該有lockers的; San Gimignano (SG)我未去過所以答唔到你, 但Lucca據我印象應該係冇lockers。
我剛剛幫你睇左我本 Lonely Planet意大利, 完全冇講你想知嘅三個地方有冇lockers, ,但我懷疑 (只係懷疑!) SG巴士站係冇lockers, 因為SG係好細嘅鎮, 睇怕設備比較落後。你係咪會由Siena搭巴士過去SG呀? 如果你係由Florence過Siena, 我提議你唔好搭火車, 因為超級唔方便, 唔好學我咁低能, 哈哈!
至於早 d 上網訂火車票, 會有特價飛或者會有好多discount....有時係架, 但好似唔係成日有discount, 而且有時只係平好少, 我自己咁耐以來只係預訂過一次咁大把, (Roma to Napoli), 但最後....冇用到呀, 蝕埋, 所以我以後都唔再預訂火車飛了, 哈哈!!
個球場真係好靚... 冇記錯光明球場係04歐國杯決賽場地,個時造就希臘神話^^
ReplyDelete希望香港都可以有一個咁高質素的球場啦...我覺得大球場始終有D過時= ="
[版主回覆04/11/2010 22:26:00]唔該晒你, 鈞, 解答左另一位blog友BLUEgirl嘅問題, 原來當時造就希臘神話係呢個球場呀!!!!!!!!!!! 由於意大利早已出局, 所以當時都冇乜心機繼續follow個歐國杯...
香港個大球場真係一D都唔吸引, 係啦, 好過時呀!!! 造番個好似光明球場咁靚咁型嘅球場就差唔多喇, 哈哈!!
死喇~~ 我諗我真係 short 咗, 點解我會問埋你 venice 同 san gimignano 架?? 你之前同我講過你冇去過 san gimignano 個喎~~ sorry 呀~~
ReplyDelete如果 lucca 火車站冇 locker........咁都幾大獲喎!!
要拖埋行李去行 lucca......睇怕今次真係死梗呀~~
[版主回覆04/11/2010 22:29:00]你打算由邊去Lucca架? 即日走人再去另一城市??
SG巴士站係冇lockers, 因為SG係好細嘅鎮, 睇怕設備比較落後。
ReplyDelete>> 我初時諗住搭巴士由 Florence 去 siena, 跟住喺 siena 住一晚, 然後第二日去 san gimignano 玩半日, 然後再搭巴士返去 florence.
不過如果 san gimignano 冇 locker 既話, 睇怕都要改一改個行程先得 !!
[版主回覆04/11/2010 22:51:00]我好驚我答錯你影響你嘅行程呀....你可以再去一D旅遊論壇問下第二D人 confirm下...你有冇上過台灣嘅 http://www.eurotravel.tw 呀? 可以問好多問題, 我以前見好多人都會問一個火車站、巴士站有冇lockers...
係呀~~ 我諗住由 florence 去 lucca, 跟住喺 lucca 玩半日, 然後就去五漁村呀!! 所以如果 lucca 火車站冇 locker, 都幾頭痛呀~~
ReplyDelete[版主回覆04/11/2010 22:53:00]唔係喎, 諗諗下, 好似Lucca個 tourist information center有得放低行李呀!! 個度有得租單車, 好似可以放低行李的....你估你可以在邊再查下呢???
你有冇上過台灣嘅 http://www.eurotravel.tw 呀?
ReplyDelete>> haha......冇呀~~ 唔知點解我一諗到有關意大利既問題, 第一個我就諗起你啦~~
Anyway, 真係唔該晒呀~~
[版主回覆04/12/2010 22:37:00]唔駛唔該, 我只係覺得我都幫唔到你D乜, 好唔好意思呀!!
Ta, 你幫咗我好多架啦~~
ReplyDelete講真, 同你傾過之後, 先發現你個人真係好好呀~~
[版主回覆04/14/2010 20:52:00]哈哈哈, 多謝您嘅誇獎, 我唔係呢....
係呀, 啱啱今日同個friend出來食野, 佢復活節前去左意大利玩, 佢話佢印象中Lucca嘅火車站好細, 應該冇lockers... ...咁你依家會點處理行李方面嘅事呢??
應該冇lockers... ...咁你依家會點處理行李方面嘅事呢??
ReplyDelete>> 吓吓吓~~ 真架??? 咁就真係唔知點算喇~~ 唔通要改為去 pisa, 但係我之前巳經去過, 唔想再去嗱~~
[版主回覆04/16/2010 22:30:00]你去過pisa, 咁再去又真係好無意思, 是關pisa冇乜野好睇, 上過斜塔, 又應該唔多會再上過, 加上..上一上去要成20euros, 一D都唔平呢..嘻嘻