今日收到呢件球衣時真係好緊張好開心!! 非常多謝一位朋友嘅幫忙
人生第一件: 唔係意大利國家隊, 又唔係祖雲達斯嘅波衫! Haha...
雖然08-09球季已經結束, 不過話晒Palla轉左去Genoa, 又打得咁好, 一定要支持佢先得! 件波衫一D都唔平, 而且係我所買過最貴嘅波衫, 但因為熱拿亞波衫太難搵, 就算上官網買都係咁嘅價錢, 所以冇分別 (後記: 朋友幫忙慳回自己尋尋覓覓嘅時間, 已經非常難得了), 哈哈哈!! 為左Palla, 破費一次, 買左件好靚嘅作客球衣!! 下個球季, 我都有興趣要多件... 希望下次搵到件主場啦, 哈哈哈!! 咁我就可以集齊佢在熱拿亞嘅主同客場波衫喇!! 唔該佢唔好再轉會 (返祖記就例外啦), 我冇咁多銀兩呀.....
後記: 希望朋友繼續幫我地謀求更多福利, 佢又搵到好多福利, 哈哈哈!!!
件衫又靚又白, 好滑淨的!! 簡直愛不惜手呀.....哈哈哈
我首次有件已經有埋章嘅球隊球衣。份外醒目好睇!!
波衫係 "Made in Italy" 架!! 進口貨呀, haha!!
影吓熱拿亞嘅波衫心口先......
仲有當然就係後面啦!! 買件衫有一半係因為呢面啦!!
No comments:
Post a Comment