里斯本聖安東尼節大巡遊 (Lisbon's Festival of Santo Antonio)

voicexml

六月的里斯本, 是重大的節慶月, 因為有一年一度舉行的聖安東尼節大巡遊 (Lisbon's Festival of Santo Antonio)。今次選擇六月來葡萄牙, 很大程度是因為這個節慶 (還有之後會去北部城市Porto參與的另一節慶聖約翰節)。

下面相片見到, 市中心街道上, 掛滿聖安東尼節的banners。沙甸魚是聖安東尼節的代表標誌之一。

連我住宿的hostel, 牆上都貼滿沙甸魚圖案呢!

至於在街道上, 亦都掛滿彩帶, 聖安東尼節晚上 (6月12日晚上), 整個里斯本市中心街上都會擠滿遊人, 食沙甸魚、飲sangria, 跳舞唱歌, 忘我慶祝這個一年一度里斯本最重要的盛事。

聖安東尼節晚上, 其中一個重點慶祝節目, 就是晚上9點開始, 在里斯本 "自由大道" (Avenida da Liberdade)上的大巡遊。

之前我問過當地朋友, 這個巡遊為時多久, 朋友說他都不肯定, 說可能至凌晨1時左右。但實情是, 我們在街道上站著看到凌晨1點半, 大巡遊還是在繼續著!! 

最後由於站得太疲憊, 我們決定不再看巡遊, 轉移去其他熱鬧地方, 吃沙甸魚和飲Sangria!





好有趣, 大巡遊一開始, 有一隊由澳門隊伍作的舞龍表演, 正!!

不同的隊伍 (來自里斯本內不同社區、不同單位) 的表演隊伍, 逐一出場大巡遊。

我極有興趣知道, 究竟大巡遊直至當晚何時才結束。我們凌晨1點半離開時, 見到無數的遊行隊伍, 還在大道上排隊等出場表演, 那條遊行隊伍長得完全見不到龍尾; 而在大道兩旁站著觀看巡遊的遊人仍然非常的多!

決定不再看大巡遊後, 就走到附近流動攤檔買東西吃和喝。這晚的里斯本是不夜天, 玩到天光是一定啦 (其他人是, 我肯定撐不住, 哈哈!)

穿梭葡萄牙2012 — 待續!

做了敗家精 — lip gloss, foundation & eye shadow

click here

我個blog應該好少講美容、化妝, 不過今日有興致, 所以講下啦。

做了敗家精呀!! 本來係去拿免費潔面sample, 但如同上次Laneige的經驗一樣, 最後係人出豉油我出雞呀!! 哈哈!!

除了Laneige, Kose都係我喜歡嘅品牌, 不過都係第一次買佢地嘅化妝品。喜歡呢個牌子, 有一半原因係售貨員嘅服務。佢地真係好有心機又有耐性教你用佢地嘅產品, 送嘅贈品又會幫我用labels貼好, 寫清楚是怎麼, 話比我聽點用....講真, 我買那幾百元, 肯定不是大客, 但好明顯呢個日本品牌的服務好 "日本" - 細心!!

我諗住買枝lip gloss, 但見那位售貨員好friendly, 就跟住叫佢介紹一下eye shadow比我。一路覺得搽eye shadow好麻煩, 搽完一層, 又要搽另一層, 然後又要用手推開, 對我呢種好少化妝嘅人來說, 實唔識又好快唔記得點搽。不過原來佢地有隻超易用嘅1-step eye shadow粉餅, 售貨員show給我睇, 教我搽, 真係好方便呀, 仲啱晒我呢種懶人。

只要用枝棒嘅大掃那一邊, 一次過掃晒3隻色, 就可以左右搽上眼蓋, 然後再用枝棒嘅小掃那邊, 掃一掃右邊那個單色 (啡色), 輕輕多次掃掃眼線那個位置, 攪掂! 

真係好簡單, 但我要自己多練多試到熟手為止, 嘻嘻... 

講開美容和化妝, 順便講下落妝綿, 真係想問問, 何解"麗的"化妝綿, 成鬼日冇貨?? 我搵了3、4間舖頭先買到, 好彩咁啱間舖頭做discount, 買兩盒有85折, 咁都好, 花了腳骨力算有回報啦。

 

經典英文童謠 (English nursery rhymes)

click here

一路以來, 看英文書都是著重看文法書啦, 看經典的文學巨著啦。比如說, 如果沒有看過莎士比亞的作品, 好像不能代表, 我是讀英語的。

反而一直以後, 缺乏對英文童謠的認識。最熟悉的, 10隻手指也已數得晒 - London Bridge is Falling Down; Old MacDonald Had A Farm; Jack and Jill, Baa Baa Black Sheep... 但原來, 看過呢本書才發現, 童謠其實是認識英文單字、音調 (包括童謠中最常見的押韻 rhyming)、古字、英國歷史和文化的一個很好途徑呀。

近日, 無意中在公共圖書館裡發現一本叫『我的第一本經典英文100童詩 - My First 100 Nursery Rhymes Book』 的書本, 正因為自己對童謠缺乏認識, 所以就借了回家看。

這本書寫得非常生動有趣, 100首英文童詩都是英語世界的經典作品, 每首詩都附有詩詞, 中文譯文, 解釋, 其中典故, 更加有給各位父母的建議和提示。這本書是香港出版, 看得出3位編者都很用心編寫、找出每首童詩的典故或背後隱藏的歷史, 讓我幫手推介這本書!

好久沒有完完整整看完一本書了....竟然乖乖看完這本介紹童詩的書!

(先旨聲明, 我完全唔認識同呢本書有任何關係嘅人, 我只係一個鐘意鑽研英文嘅無用之人, 哈哈哈)

*********************************************************************************
書名: 我的第一本經典英文1004童詩 - My First 100 Nursery Rhymes Book
編著: 王曉影 李雪熒, 葉芷瑩
出版: 跨版生活圖書出版
*********************************************************************************

學習意大利語 (2)

Track My Website

唔知道大家可知道, 我曾經讀了幾年意大利文....不過認真失禮, 所謂讀了幾年, 只是每星期一堂, 每堂2個鐘。所以就真係叻極有限啦!!

因為我已經轉移目標, 去了讀葡萄牙文, 所以已經放下了意大利文一段時間。閱讀普通文章, 都大約冇問題, 但講同聽真係完全唔得。但我真係冇咁多時間一齊讀兩個語言, 加上, 一齊讀咁接近嘅兩種語言根本會好混亂。不但好些詞彙一樣串法, 就連文法都一樣 "將法"!!! 我試過有3個月頭, 一路讀葡萄牙文, 一路去意大利文嘅 listening & oral 班... ,嘩 真係發顛, 亂到我暈! 有個好熟嘅同學仲話："你係咪講緊另一個 language? 點解你依家D意大利文發音咁得意嘅?"


雖然沒有再讀意大利文, 不過同一班同學和老師仍有緊密聯絡。知道佢地就快又開新一學年了, 感慨良多。當時讀意大利文時, 香港只有很少的地方有意大利文讀; 但到今日, 有好多學術機構都有辦意大利文課程。我知道今年, 老師 (因為他是私人小班教學的) 有開了一班 listening + oral + literature + culture的班, 真係好想去讀呀!! 因為呢個班多culture嘅野, 又有我喜歡的literature.... 依家仲心大心細, 哈哈!! 老師意大利文學同文化根基好深厚, 聽佢講野真係1.5個鐘係唔夠囉 !!

意大利情意結又陰魂不散添!!


有沒有朋友認得呢度係邊度呢?

6月的陽光普照里斯本 Lisbon!

click here

6月的里斯本, 天氣好到不了! 每日都陽光普照, 藍天白雲, 再加上日長夜短, 真的由朝玩到晚, 極之正斗!

天氣那麼好, 又碰巧是星期二, 跳蚤市場有開, 所以就來走個圈。來了幾次里斯本, 也是頭一趟來這個跳蚤市場, 裡頭甚麼也有得賣! 

Castelo de São Jorge (St George Castle) 是里斯本重要地標之一, 豈能不來呀!! 在城堡上遠眺, 里斯本優美景色盡入眼簾。

小巷在里斯本, 尤其在Alfama區, 隨處可見。

里斯本地勢高低起伏, 有不少稱為miradouro (觀景台) 的地方, 登上觀景台, 是欣賞里斯本景色的上佳之地。

返回市中心喇!! 里斯本版的凱旋門 - Arco da Victória. 穿過此門, 就是超大的 Praça do Comérico (商業廣場)。

這個街頭表演者擁有非一般的技能 - 他竟然可以離地凌空站著呀!!  神乎其技, 完全不明白他何以那麼厲害。 看到破綻嗎?

無花無假, 他早在1988年已經能站著不動超過15個鐘頭而被列入了健力士紀錄大全!!  勁!!  

里斯本有4部歷史悠久的登山電梯, 再加上在路面上行走的古老懷舊電車, 遊覽里斯本很富詩情話意...呵呵

不知有多少旅客知道, 里斯本的塗鴉很著名的!! 我每次去里斯本, 其中一個目的就是要發掘新塗鴉!! 今次又給我找到些新的呀。

Ginjinha酒 - 今次我終於飲到了!! 沒有飲過ginjinha酒, 真不像是來過里斯本呢! 

穿梭葡萄牙2012 — 待續!